Innlent

Þórunn Sveinbjarnardóttir efst í prófkjöri Samfylkingarinnar í SV-kjördæmi

Þórunn er komin í fyrsta sætið en mjótt er á munum.
Þórunn er komin í fyrsta sætið en mjótt er á munum. MYND/Samfylkingin

Nýjar tölur um dreifingu atkvæða í prófkjöri Samfylkingarinnar í Suðvesturkjördæmi voru að berast frá formanni kjörstjórnar Halldóri S. Guðmundssyni rétt í þessu.

Búið er að telja 2.200 atkvæði eða um 40% atkvæða. Hafa þau fallið þannig að Þórunn Sveinbjarnardóttir hefur hlotið 723 atkvæði í 1. sæti, Katrín Júlíusdóttir 1.137 atkvæði í 1.-2. sæti, Gunnar Svavarsson 875 atkvæði í 1.-3. sæti, Árni Páll Árnason 978 atkvæði í 1.-4. sæti, Guðmundur Steingrímsson 1.026 atkvæði í 1.-5. sæti, Tryggvi Harðarson 835 í 1.-6. sæti, Sonja B. Jónsdóttir 1.017 atkvæði í 1-7. sæti og Jakob Frímann Magnússon 999 atkvæði í 1.-8. sæti.

Mjög mjótt er á munum á fyrsta sætinu, á milli Gunnars og Þórunnar. Einnig er mjótt á munum milli Gunnars og Árna, en aðeins ef Þórunn nær fyrsta sætinu. Ljóst þykir því að spennandi seinnihluti er í vændum.

Alls greiddu um 4.700 manns atkvæði sitt í prófkjörinu en endanlega tala liggur enn ekki fyrir. Úrslit úr prófkjörinu gætu orðið ljós um miðnætti í kvöld.

Fréttir Innlent Kosningar 2006 Samfylkingin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið