Viðskipti erlent

Víetnamar semja við Bandaríkjastjórn

Fulltrúar frá Víetnam og Bandaríkjunum takast í hendur eftir að skrifað var undir samkomulagið í dag.
Fulltrúar frá Víetnam og Bandaríkjunum takast í hendur eftir að skrifað var undir samkomulagið í dag. MYND/AP

Fulltrúar stjórnvalda frá Víetnam og Bandaríkjunum skrifuðu undir samkomulag þess efnis í Ho Chi Minh í Víetnam í dag að gjöld á innfluttar vörur frá Bandaríkjunum til Víetnam verði lækkuð. Þetta eykur líkurnar á því að Víetnamar fái aðild að Heimsviðskiptastofnuninni (WTO). 

Samkomulagið sem skrifað var undir í dag nær lengra en svipaðir samningar sem löndin gerðu árið 2000.

Í samkomulaginu er kveðið á um að 15 prósenta innflutningsgjöld verði á meirihluta vara frá Bandaríkjunum til Víetnam. Þá munu Bandaríkjamenn jafnframt geta fjárfest í orku-, fjarskipta- og fjármálafyrirtækjum í Víetnam.

Stjórnvöld hafa lengi horft til þess að verða 151. aðildarríkið í WTO. Skilyrði til aðildar eru viðskiptasamningar við hin ýmsu lönd og áttu stjórnvöld einungis eftir að komast að samkomulagi við Bandaríkjastjórn um lækkun innflutningsgjalda.

Erlent Fréttir Viðskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið