Innlent

Á þriðja þúsund manns í framboði

Margir Akureyringar gætu lent í vandræðum með að ákveða hvert hinna sex framboða þeir ættu að kjósa.
Margir Akureyringar gætu lent í vandræðum með að ákveða hvert hinna sex framboða þeir ættu að kjósa.
Einn af hverjum áttatíu landsmönnum á kosningaaldri er í framboði í sveitarstjórnarkosningunum sem fara fram undir lok mánaðarins. Heildarfjöldi frambjóðenda jafngildir því að nær hver einasti Grindvíkingur frá fæðingu og upp úr væri í framboði.

Þeir eru 2.576 talsins, einstaklingarnir sem hafa boðið sig fram til sveitarstjórna landsins fyrir kosningarnar sem fara fram undir lok mánaðarins. Þetta fer nærri því að vera jafnmargir frambjóðendur á landsvísu og allir íbúar Grindavíkur. Svo mikið er víst að um það bil einn af hverjum áttatíu landsmönnum á kosningaaldri er í framboði en flestir eiga reyndar litla möguleika á að komast að í sveitarstjórn. Til þess eru þeir of aftarlega á lista.

Alls komu fram 172 framboðslistar í þeim 60 sveitarfélögum þar sem listakosningar eru viðhafðar. Akureyringar hafa úr mestu að velja, í það minnsta ef litið er til fjölda framboða. Sex listar eru í framboði og er það meira en í nokkru öðru sveitarfélagi landsins. Minnst er valið hins vegar í Breiðdalshreppi og Tjörneshreppi - og reyndar hafa kjósendur ekkert val því aðeins kom fram einn framboðslisti í hvoru sveitarfélagi um sig.



Stj.mál Sveitarstjórnarmál Sveitarstjórnarkosningar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið