Fyrsti sigur KFÍ

KFÍ vann sinn fyrsta sigur í Intersportdeildinni í körfuknattleik er þeir tóku á móti Tindastól á Ísafirði í kvöld, en lokatölur urðu 84-82. Í Stykkishólmi sigruðu heimamenn Hamar/selfoss með eins stigs mun 83-82. KR-ingar rúlluðu yfir Njarðvíkinga 99-80, ÍR vann Fjölni 95-78 og Haukar sigruðu Grindavík 61-44. Eftir leiki kvöldsins er Snæfell komið upp að hlið Keflvíkinga á toppi deildarinnar með 20 stig, en Keflvíkingar eiga leik til góða. Fjölnir og Njarðvík hafa átján og Skallagrímur, sem eiga leik inni gegn Keflavík, hafa 16 stig.