Einn á báti 28. september 2004 00:01 Saga Kristins H. Gunnarssonar innan Framsóknarflokksins er stutt en viðburðarík. Fyrir sex árum gekk hann í raðir flokksins og var strax leiddur í öndvegi. Í gærkvöldi var hann orðinn útlagi í eigin flokki eftir að þingflokkurinn úthýsti honum úr nefndum alþingis. Kristinn kom fyrst inn á þing árið 1991 fyrir Alþýðubandalagið og hefur setið þar síðan. Þegar hópur þingmanna ákvað að leggja niður Alþýðuflokk og Alþýðubandalag og stofna Samfylkinguna og síðar Vinstri-græna, tilkynnti Kristinn að kveðjustund væri upp runnin. Í skamman tíma gerðist hann þingmaður utan flokka en gekk svo í raðir Framsóknarmanna á vormánuðum 1998. Fyrrum félagi Kristins í Alþýðubandalaginu segir að Kristinn hafi vafalaust talið Framsóknarflokkinn vera mesta byggðaflokkinn á þingi og þess vegna ákveðið að ganga í raðir hans. ,,Kristinn stendur við bakið á fólkinu í kjördæminu og hefur mikið samráð við það. Þess vegna held ég að þetta muni koma niður á flokknum á Vestfjörðum. Kristinn á þar trausta félaga sem taka þessum hrókeringum þingflokksins ekki þegjandi." Gulldrengur gerður útlægur Framsóknarmaður sem blaðið ræddi við sagði að Kristinn hefði verið gulldrengurinn í flokknum þegar hann ákvað að ganga í raðir hans. ,,Ég held að enginn hafi fengið viðlíka móttökur eins og Kristinn. Hann kom úr öðrum flokki og það var tekið á móti honum með blómum og kossum. Hann var strax gerður að formanni þingflokksins og síðan var hann gerður að formanni Byggðastofnunar." En vandi fylgir vegsemd hverri og fljótlega fór að bera á vonbrigðum með samstarfið. Fyrrverandi þingmaður flokksins segir að Kristinn hafi orðið nokkuð einráður sem þingflokksformaður. ,,Hann talaði alltaf sem formaður þingflokks þó hann væri að tala á nótum sem gengu í berhögg við stefnu þingflokksins. Það var ekki vel liðið." Þá komu upp samstarfsörðugleikar milli Kristins og þáverandi forstjóra Byggðastofnunar. Valgerður Sverrisdótti, iðnaðarráðherra, sem bauð Kristinn velkominn í flokkinn með kossi og blómum árið 1998 þurfti fjórum árum síðar að víkja Kristni úr hásætinu, sem hún hafði sjálf leitt hann í, og út í horn. Hann og forstjórinn viku báðir sæti. Fyrir síðustu Alþingiskosningar sóttist Kristinn eftir að leiða lista Framsóknarflokksins í Norðvesturkjördæmi en hafnaði í öðru sæti. Í upphafi þingsins þótti þingflokknum kominn tími á að skipta um forystu og kaus Hjálmar Árnasonar þingflokksformann. Tillaga þess efnis var greidd með öllum atkvæðum en Kristinn var ekki viðstaddur atkvæðagreiðsluna. Rekst illa í flokki Síðan þá hafa nokkur mál komið upp þar sem Kristinn hefur ekki fylgt flokknum að málum. Hann hefur sjálfur nefnt afstöðuna til fjölmiðlafrumvarpsins, sem hann lagðist gegn, og afstöðu til stríðsins í Írak og þátttöku Íslendinga í því. Þá hefur sjálfstæðismönnum þótt óþægilegt að hafa Kristinn sem varaformann efnahags- og viðskiptanefndar þegar viðkvæm mál og umdeild eru til umfjöllunar. Viðmælendur blaðsins eru allir þeirrar skoðunar að Kristinn sé öflugur og vinnusamur þingmaður sem rekist þó illa í flokki. Á það jafnt við í Framsóknarflokki og Alþýðubandalagi. Fyrrum flokksbróðir hans í Alþýðubandalaginu sagði að hann hefði ekki alltaf verið á sömu línu og forystan. Hins vegar hafi engum dottið í hug að grípa til slíkra örþrifaráða sem þingflokkur framsóknarmanna beitti í gær. ,,Hann er ekki alltaf þægilegur í samstarfi og er sjálfum sér samkvæmur. Hann er líklega látinn gjalda þess." Félagi Kristins í þingflokki Framsóknarmanna sagði eftir fund þingflokksins í gær að framkoma Kristins að undanförnu hefði rýrt hann öllu trausti og hann tók undir að Kristinn rekist illa í flokki. ,,Kristinn mun þrífast vel í einum þingflokki og það er þingflokkur Kristins H. Gunnarssonar." Framsóknarflokkurinn Fréttir Innlent Stj.mál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira
Saga Kristins H. Gunnarssonar innan Framsóknarflokksins er stutt en viðburðarík. Fyrir sex árum gekk hann í raðir flokksins og var strax leiddur í öndvegi. Í gærkvöldi var hann orðinn útlagi í eigin flokki eftir að þingflokkurinn úthýsti honum úr nefndum alþingis. Kristinn kom fyrst inn á þing árið 1991 fyrir Alþýðubandalagið og hefur setið þar síðan. Þegar hópur þingmanna ákvað að leggja niður Alþýðuflokk og Alþýðubandalag og stofna Samfylkinguna og síðar Vinstri-græna, tilkynnti Kristinn að kveðjustund væri upp runnin. Í skamman tíma gerðist hann þingmaður utan flokka en gekk svo í raðir Framsóknarmanna á vormánuðum 1998. Fyrrum félagi Kristins í Alþýðubandalaginu segir að Kristinn hafi vafalaust talið Framsóknarflokkinn vera mesta byggðaflokkinn á þingi og þess vegna ákveðið að ganga í raðir hans. ,,Kristinn stendur við bakið á fólkinu í kjördæminu og hefur mikið samráð við það. Þess vegna held ég að þetta muni koma niður á flokknum á Vestfjörðum. Kristinn á þar trausta félaga sem taka þessum hrókeringum þingflokksins ekki þegjandi." Gulldrengur gerður útlægur Framsóknarmaður sem blaðið ræddi við sagði að Kristinn hefði verið gulldrengurinn í flokknum þegar hann ákvað að ganga í raðir hans. ,,Ég held að enginn hafi fengið viðlíka móttökur eins og Kristinn. Hann kom úr öðrum flokki og það var tekið á móti honum með blómum og kossum. Hann var strax gerður að formanni þingflokksins og síðan var hann gerður að formanni Byggðastofnunar." En vandi fylgir vegsemd hverri og fljótlega fór að bera á vonbrigðum með samstarfið. Fyrrverandi þingmaður flokksins segir að Kristinn hafi orðið nokkuð einráður sem þingflokksformaður. ,,Hann talaði alltaf sem formaður þingflokks þó hann væri að tala á nótum sem gengu í berhögg við stefnu þingflokksins. Það var ekki vel liðið." Þá komu upp samstarfsörðugleikar milli Kristins og þáverandi forstjóra Byggðastofnunar. Valgerður Sverrisdótti, iðnaðarráðherra, sem bauð Kristinn velkominn í flokkinn með kossi og blómum árið 1998 þurfti fjórum árum síðar að víkja Kristni úr hásætinu, sem hún hafði sjálf leitt hann í, og út í horn. Hann og forstjórinn viku báðir sæti. Fyrir síðustu Alþingiskosningar sóttist Kristinn eftir að leiða lista Framsóknarflokksins í Norðvesturkjördæmi en hafnaði í öðru sæti. Í upphafi þingsins þótti þingflokknum kominn tími á að skipta um forystu og kaus Hjálmar Árnasonar þingflokksformann. Tillaga þess efnis var greidd með öllum atkvæðum en Kristinn var ekki viðstaddur atkvæðagreiðsluna. Rekst illa í flokki Síðan þá hafa nokkur mál komið upp þar sem Kristinn hefur ekki fylgt flokknum að málum. Hann hefur sjálfur nefnt afstöðuna til fjölmiðlafrumvarpsins, sem hann lagðist gegn, og afstöðu til stríðsins í Írak og þátttöku Íslendinga í því. Þá hefur sjálfstæðismönnum þótt óþægilegt að hafa Kristinn sem varaformann efnahags- og viðskiptanefndar þegar viðkvæm mál og umdeild eru til umfjöllunar. Viðmælendur blaðsins eru allir þeirrar skoðunar að Kristinn sé öflugur og vinnusamur þingmaður sem rekist þó illa í flokki. Á það jafnt við í Framsóknarflokki og Alþýðubandalagi. Fyrrum flokksbróðir hans í Alþýðubandalaginu sagði að hann hefði ekki alltaf verið á sömu línu og forystan. Hins vegar hafi engum dottið í hug að grípa til slíkra örþrifaráða sem þingflokkur framsóknarmanna beitti í gær. ,,Hann er ekki alltaf þægilegur í samstarfi og er sjálfum sér samkvæmur. Hann er líklega látinn gjalda þess." Félagi Kristins í þingflokki Framsóknarmanna sagði eftir fund þingflokksins í gær að framkoma Kristins að undanförnu hefði rýrt hann öllu trausti og hann tók undir að Kristinn rekist illa í flokki. ,,Kristinn mun þrífast vel í einum þingflokki og það er þingflokkur Kristins H. Gunnarssonar."
Framsóknarflokkurinn Fréttir Innlent Stj.mál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vísbending um að flutningaskip hafi hvolft bátnum Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Miklar breytingar á fylgi fyrir kappræður Stöðvar 2 í kvöld Innlent Forsetavaktin 2024: Hver verður sjöundi forseti lýðveldisins? Innlent Fékk sting í hjartað þegar hann sá nafnið á bátnum Innlent „Blaut tuska í andlit Félags eldri borgara í Reykjavík“ Innlent Skikkar lögreglu til að rannsaka stjórn aðventista Innlent Óvinnufær eftir harkalegt fall þegar strappur slitnaði Innlent Leigan fyrir 100 fermetra hús í Grindavík 62.500 á mánuði Innlent Fleiri fréttir Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Bein útsending: Kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Sjá meira