Stærsta kvikmynd Íslandssögunnar 23. júlí 2004 00:01 Leikarinn Gerard Butler hefur verið ráðinn til að leika aðalhlutverkið í kvikmyndinni Bjólfskviðu sem fer í tökur hér á landi þann 16. ágúst næstkomandi. Beowulf and Grendel, eins og kvikmyndin nefnist á ensku, er án efa langstærsta kvikmynd sem framleidd hefur verið hér á landi. Áætlaður kostnaður við myndina er 12,6 milljónir dollara en til samanburðar má geta þess að flestar íslenskar kvikmyndir kosta um 2 milljónir dollara. Það er Friðrik Þór Friðriksson sem framleiðir kvikmyndina ásamt breska fyrirtækinu Spice Factory og kanadíska fyrirtækinu The Film Works en áætlað er að um 300 manns starfi að kvikmyndinni. Breski leikarinn Gerard Butler á meðal annars að baki hlutverk í bíómyndunum Timeline og Lara Croft Tomb Raider: The Cradle of Life en í desember er væntanleg stór söngleikjamynd þar sem leikarinn er í aðalhlutverki. Myndin nefnist The Phantom of the Opera og byggir á hinum sívinsæla söngleik Andrew Lloyd Webber. Talið er líklegt að Gerard Butler skjótist upp á stjörnuhimininn eftir The Phantom of the Opera en myndin, sem er í leikstjórn Joels Schumacher, meðal annars þekktur fyrir 8MM, Batman & Robin og The Client, er aðaljólamyndin í ár og með Gerard Butler í broddi fylkingar ætti stórmyndin að greiða leiðina fyrir Bjólfskviðu. Íslenski leikarinn Ingvar E. Sigurðsson hefur einnig verið ráðinn til að fara með stórt hlutverk í Bjólfskviðu ásamt hinni 25 ára gömlu Söruh Polley sem fer með stærsta kvenhlutverkið í myndinni. Sarah Polley er kanadísk leikkona sem á, þrátt fyrir ungan aldur, yfir 40 kvikmyndir að baki enda hóf hún feril sinn aðeins sex ára gömul. Kvikmyndin er byggð á Bjólfskviðu sem er fornenskt kvæði sem er talið hafa varðveist frá fyrri hluta 8. aldar. Kvæðið er meðal annars talið hafa verið innblástur fyrir J.R. Tolkien að Hringadróttinssögu. Það er greinilegt að Íslendingar eru með puttann á púlsinum þessa dagana því Hollywood-gengið hjá Warner Bros-kvikmyndum hafa gefið út að þeir séu einnig að stefna á kvikmynd byggða á Bjólfskviðu. Íslendingar verða þó fyrri til að búa til kvikmynd upp úr þessu forna enska kvæði en tæpir þrír mánuðir eru áætlaðir í tökur nú á haustmánuðum og áætluð frumsýning er á kvikmyndahátíðinni í Cannes árið 2005. Tökur á Bjólfskviðu fara aðallega fram í Vík í Mýrdal og Höfn í Hornafirði og ef allt fer að óskum stefnir í að Bjólfskviða verði ein stærsta Íslandskynning sem um hefur getið. Því þó að Bjólfskviða sé skotin á ensku og framleidd með alþjóðlegu fjármagni verður öll kvikmyndin tekin hér á landi og verður íslensk náttúra, landslag og saga í aðalhlutverki væntanlegrar stórmyndar. Leikstjóri kvikmyndarinnar, Sturla Gunnarsson, er jafnframt íslenskur en Sturla flutti til Kanada aðeins fimm ára gamall og hefur starfað alla sína ævi í Norður-Ameríku og Kanada en þar hefur hann leikstýrt fjöldamörgum kvikmyndum og sjónvarpsþáttum. Menning Mest lesið „Eins og verstu unglingar í sleepover“ Makamál Hin raunverulega Martha opnar sig hjá Piers Morgan Lífið „Kastaði upp um nóttina áður en ég fór á sviðið“ Lífið Grease-stjarnan Susan Buckner látin Lífið Hera Björk fékk sprengjubrot að gjöf Lífið Anníe Mist fór í keisaraskurð Lífið Myndaveisla: Gleði og gæsahúð á forsýningu Sveitarómantíkur Lífið 23 ára og með sína eigin förðunarlínu Tíska og hönnun Hera komst ekki áfram Lífið Ungfrú Bandaríkin afsalar sér titlinum Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Leikarinn Gerard Butler hefur verið ráðinn til að leika aðalhlutverkið í kvikmyndinni Bjólfskviðu sem fer í tökur hér á landi þann 16. ágúst næstkomandi. Beowulf and Grendel, eins og kvikmyndin nefnist á ensku, er án efa langstærsta kvikmynd sem framleidd hefur verið hér á landi. Áætlaður kostnaður við myndina er 12,6 milljónir dollara en til samanburðar má geta þess að flestar íslenskar kvikmyndir kosta um 2 milljónir dollara. Það er Friðrik Þór Friðriksson sem framleiðir kvikmyndina ásamt breska fyrirtækinu Spice Factory og kanadíska fyrirtækinu The Film Works en áætlað er að um 300 manns starfi að kvikmyndinni. Breski leikarinn Gerard Butler á meðal annars að baki hlutverk í bíómyndunum Timeline og Lara Croft Tomb Raider: The Cradle of Life en í desember er væntanleg stór söngleikjamynd þar sem leikarinn er í aðalhlutverki. Myndin nefnist The Phantom of the Opera og byggir á hinum sívinsæla söngleik Andrew Lloyd Webber. Talið er líklegt að Gerard Butler skjótist upp á stjörnuhimininn eftir The Phantom of the Opera en myndin, sem er í leikstjórn Joels Schumacher, meðal annars þekktur fyrir 8MM, Batman & Robin og The Client, er aðaljólamyndin í ár og með Gerard Butler í broddi fylkingar ætti stórmyndin að greiða leiðina fyrir Bjólfskviðu. Íslenski leikarinn Ingvar E. Sigurðsson hefur einnig verið ráðinn til að fara með stórt hlutverk í Bjólfskviðu ásamt hinni 25 ára gömlu Söruh Polley sem fer með stærsta kvenhlutverkið í myndinni. Sarah Polley er kanadísk leikkona sem á, þrátt fyrir ungan aldur, yfir 40 kvikmyndir að baki enda hóf hún feril sinn aðeins sex ára gömul. Kvikmyndin er byggð á Bjólfskviðu sem er fornenskt kvæði sem er talið hafa varðveist frá fyrri hluta 8. aldar. Kvæðið er meðal annars talið hafa verið innblástur fyrir J.R. Tolkien að Hringadróttinssögu. Það er greinilegt að Íslendingar eru með puttann á púlsinum þessa dagana því Hollywood-gengið hjá Warner Bros-kvikmyndum hafa gefið út að þeir séu einnig að stefna á kvikmynd byggða á Bjólfskviðu. Íslendingar verða þó fyrri til að búa til kvikmynd upp úr þessu forna enska kvæði en tæpir þrír mánuðir eru áætlaðir í tökur nú á haustmánuðum og áætluð frumsýning er á kvikmyndahátíðinni í Cannes árið 2005. Tökur á Bjólfskviðu fara aðallega fram í Vík í Mýrdal og Höfn í Hornafirði og ef allt fer að óskum stefnir í að Bjólfskviða verði ein stærsta Íslandskynning sem um hefur getið. Því þó að Bjólfskviða sé skotin á ensku og framleidd með alþjóðlegu fjármagni verður öll kvikmyndin tekin hér á landi og verður íslensk náttúra, landslag og saga í aðalhlutverki væntanlegrar stórmyndar. Leikstjóri kvikmyndarinnar, Sturla Gunnarsson, er jafnframt íslenskur en Sturla flutti til Kanada aðeins fimm ára gamall og hefur starfað alla sína ævi í Norður-Ameríku og Kanada en þar hefur hann leikstýrt fjöldamörgum kvikmyndum og sjónvarpsþáttum.
Menning Mest lesið „Eins og verstu unglingar í sleepover“ Makamál Hin raunverulega Martha opnar sig hjá Piers Morgan Lífið „Kastaði upp um nóttina áður en ég fór á sviðið“ Lífið Grease-stjarnan Susan Buckner látin Lífið Hera Björk fékk sprengjubrot að gjöf Lífið Anníe Mist fór í keisaraskurð Lífið Myndaveisla: Gleði og gæsahúð á forsýningu Sveitarómantíkur Lífið 23 ára og með sína eigin förðunarlínu Tíska og hönnun Hera komst ekki áfram Lífið Ungfrú Bandaríkin afsalar sér titlinum Lífið Fleiri fréttir Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira