Fyrirsjáanleg markasúpa í Meistaradeildinni Tómas Þór Þórðarson skrifar 9. desember 2016 06:00 Lionel Messi. Vísir/Getty Riðlakeppni Meistaradeildar Evrópu í fótbolta lauk á miðvikudagskvöldið og er nú vitað hvaða 16 lið halda áfram keppni eftir áramót, hvaða átta falla niður í Evrópudeildina og vegferð hvaða átta liða er lokið í Evrópu þetta tímabilið. Riðlakeppnin að þessu sinni var mikil skemmtun og nóg af mörkum en sparkspekingar spyrja sig nú hvort gæðin séu nógu mikil og hvort bilið á milli liðanna sé að breikka. Í heildina eru spilaðir 96 leikir í sex umferðum í Meistaradeildinni og að þessu sinni voru skoruð fleiri en fjögur mörk í 33 leikjum eða í 35 prósent leikjanna. Tíu af þessum 33 leikjum enduðu með jafntefli en þrettán af þessum 33 markasúpum enduðu með algjöru rústi þar sem sigurliðið vann með fjórum mörkum eða fleiri. Sjaldan hafa nefnilega sést jafn miklir yfirburðir í leikjum og í Meistaradeildinni í ár. Spennan var ekki mikil en meira og minna var allt ráðið fyrir lokaumferðina. Eins og síðustu ár var lítið um óvænt tíðindi í riðlakeppninni þar sem stóru strákarnir fara alltaf áfram. Bilið virðist vera að breikka á milli stóru liðanna og þeirra minni en ótrúlega tölur sáust í riðlakeppninni að þessu sinni eins og 7-0 sigur Barcelona á Celtic. Það var alls ekkert einsdæmi. Meistaradeildin er að verða svolítið fyrirsjáanleg þar sem stærstu og ríkustu liðin komast nær alltaf upp úr riðlakeppninni og síðan lengst í útsláttarkeppninni. Sem betur fer er til lið eins og Atlético Madrid sem heldur fótboltarómantíkinni á lífi. Næst á dagskrá í Meistaradeildinni eru 16 liða úrslitin en til að gefa einhverja mynd af hversu fyrirsjáanleg þau eru er fínt að skoða aðeins hvernig undanúrslitin hafa verið síðustu fimmtán ár. Fjórtán mismunandi lið frá sjö mismunandi löndum spiluðu einn eða fleiri leiki í undanúrslitum frá 2001-2006. Næstu fimm árin, frá 2006-2011, spiluðu ellefu lið frá fimm löndum að minnsta kosti einn leik í undanúrslitum Áfram minnkaði fjölbreytnin því síðustu fimm ár, frá 2011-2016, hafa átta lið frá fjórum löndum spilað í undanúrslitum Meistaradeildarinnar. Lið frá Frakklandi hafa ekki komist í undanúrslit síðustu fimm ár og lið frá Portúgal og Hollandi hafa ekki komist svo langt í rúman áratug. Það er vonandi að þetta breytist á næstu árum en þangað til lítur Fréttablaðið aðeins yfir farinn veg í riðlakeppninni þetta tímabilið og verðlaunar það besta auk þess að afhenda ein skammarverðlaun.JBan OblakVísir/Getty Besti markvörðurinnJBan Oblak, Atlético Madrid Slóveninn er smám saman að vinna sér sess á meðal bestu markvarða heims. Það er eins og með framherjana hjá Atlético; liðið er alltaf klárt með næsta markvörð þegar einhver fer. Frá De Gea í Courtois í Oblak, ekki slæmt. Atlético vann riðilinn með Bayern München í og hirti 15 stig af 18 mögulegum. Liðið skoraði ekki nema sjö mörk en Oblak með trausta Atlético-vörnina fyrir framan sig hirti boltann aðeins tvisvar sinnum úr netinu.Besti varnarmaðurinnAdil Rami, Sevilla Franski miðvörðurinn spilaði eins og kóngur í hjarta varnarinnar hjá Sevilla sem hélt hreinu fimm sinnum og fékk á sig öll þrjú mörkin í riðlinum í einum og sama leiknum gegn Juventus í fimmtu leikviku en spænska liðið fylgir gömlu konunni í 16 liða úrslitin. Rami vann 37 bolta í og við teiginn, átti þrjár lykiltæklingar, hreinsaði boltann þrettán sinnum frá marki og varði tvö skot. Þá kláraði hann 83 prósent sendinga sinna.Riyah MahrezVísir/Getty Besti miðjumaðurinnRiyah Mahrez, Leicester Fáir nýliðar í Meistaradeildinni hafa staðið sig betur en Leicester. Fáir nýliðar á meðal leikmanna hafa haft jafn mikil áhrif á lið sem er nýliði og Alsíringurinn Mahrez. Hann skoraði fjögur mörk og lagði upp eitt en Leicester skoraði varla mark til að byrja með í keppninni nema hann ætti þar hlut að máli.Besti framherjinnLionel Messi, Barcelona Það kemur kannski ekkert mikið á óvart að mögulega besti fótboltamaður sögunnar hafi staðið sig best í riðlakeppninni. Hann er sjálfur búinn að setja viðmiðið hátt fyrir löngu en ekki verður annað sagt en að hann hafi staðið undir öllum sínum gæðakröfum. Messi skoraði tíu mörk í fimm leikjum, öll með vinstri fæti og níu innan teigs auk þess sem hann lagði upp tvö mörk fyrir Börsunga sem rústuðu sínum riðli í baráttu við Manchester City. Messi skoraði helming marka Barcelona í riðlinum og þurfti aðeins fimmtán tilraunir á markið til þess. Þá kláraði hann 80 prósent sendinga sinna.André Silva.Vísir/GettyNýja stjarnanAndré Silva, Porto Það hefur aldrei þótt einhver svakalegur gæðastimpill að vera framherji frá Portúgal, landi miðjumannanna og miðvarðanna. Þessi 21 árs gamli strákur gæti verið að breyta þeirri ímynd en hann fór á kostum með Porto sem hafnaði í öðru sæti í G-riðli á eftir Englandsmeisturum Leicester. Silva skoraði fjögur mörk og lagði upp önnur tvö á leið portúgalska liðsins í 16 liða úrslitin.Vísir/GettyBesti leikurinnMan. City - Barcelona 3-1 Það var mikið af skemmtilegum leikjum fyrir fótboltaáhugamenn í riðlakeppni Meistaradeildarinnar þetta tímabilið. Til dæmis má nefna tólf marka ruglið í Dortmund þar sem heimamenn unnu Legía Varsjá. 8-4. Ef horft er til gæða fótboltans, leiks þar sem ekki var hægt að líta af skjánum, kemur aðeins einn til greina. Það er 3-1 sigur Manchester City gegn Barcelona á Etihad-vellinum. Sá leikur er það sem Meistaradeildin snýst um.Vísir/Getty SkammarverðlauninBesiktas Það er auðvelt að benda á eitt af þeim sjö liðum sem unnu ekki leik í Meistaradeildinni á þessari leiktíð og þá sérstaklega Club Brugge og Dinamo Zagreb sem fengu ekki eitt stig í riðlakeppninni. Kökuna fær þó tyrkneska liðið Besiktas sem fór til Kænugarðs í lokaumferðinni og mætti Dynamo Kiev. Úkraínumennirnir voru ekki búnir að vinna leik og áttu ekki möguleika á að komast áfram en Besiktas vissi að sigur gæti komið því áfram ef Napoli ynni Benfica. Jú, Napoli vann Benfica en Besiktas varð sér til skammar með því að tapa, 6-0, gegn botnliðinu og missa tvo menn út af með rautt. Góða skemmtun í Evrópudeildinni. Meistaradeild Evrópu Mest lesið Utan vallar: Leikur fyrir snjallsímakynslóðina Enski boltinn Ráðist að Immobile fyrir framan konu hans og barn Fótbolti Andrea Rán spilar á Íslandi í sumar Íslenski boltinn „Get ímyndað mér að það sé erfitt fyrir andstæðingana að eiga við hann“ Körfubolti Umfjöllun og viðtöl: Njarðvík - Breiðablik 120-86 | Heimamenn flugu upp í 2. sætið Körfubolti Núñez meiddist gegn Man United Enski boltinn Klesst á flugvél ísraelska liðsins Fótbolti Óli Valur aftur í raðir Stjörnunnar Íslenski boltinn Vísa í Harald hárfagra, rúnir og norðurljósin í nýrri landsliðstreyju Fótbolti Sædís Rún lagði upp í sinum fyrsta leik í atvinnumennsku Fótbolti Fleiri fréttir Andrea Rán spilar á Íslandi í sumar Ráðist að Immobile fyrir framan konu hans og barn Utan vallar: Leikur fyrir snjallsímakynslóðina Óli Valur aftur í raðir Stjörnunnar Karólína Lea lagði upp í sigri Sædís Rún lagði upp í sinum fyrsta leik í atvinnumennsku Núñez meiddist gegn Man United HK sækir leikmann sem hefur áður leikið með liðinu Klesst á flugvél ísraelska liðsins Fjórtán ára undrabarn valdi Man. City Hættir eftir 29 ára starf fyrir sama klúbbinn Vísa í Harald hárfagra, rúnir og norðurljósin í nýrri landsliðstreyju Nottingham Forest missir fjögur stig Dreymir um hitalagnir og höll Sænski landsliðsmaðurinn laus úr öndunarvél Kveðst skítsama um skoðun Hareide Klopp ósáttur við að fá ekki eina skiptingu í viðbót Fórnaði Arsenal fyrir konu Þrír dagar í EM-umspil: Neituðu að mæta Ísrael þegar þeir komust síðast á stórmót Stór stund fyrir kærustuparið sem eyddi sumri í Mosfellsbænum Davíð Smári reiðubúinn að „falla á eigið sverð“ Gylfi spilar á Íslandi daginn fyrir EM-umspilið Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Xavi sá rautt þegar Barca vann stórt í Madríd Inter mistókst að ná tíu stiga forystu á ný Leikmenn Fenerbache slógust við áhorfendur sem réðust inn á völlinn Baldur heimsækir nýliða Vestra Lið Jóns Dags bjargaði sér á ögurstundu Stórliðin með sigra á Ítalíu Sjá meira
Riðlakeppni Meistaradeildar Evrópu í fótbolta lauk á miðvikudagskvöldið og er nú vitað hvaða 16 lið halda áfram keppni eftir áramót, hvaða átta falla niður í Evrópudeildina og vegferð hvaða átta liða er lokið í Evrópu þetta tímabilið. Riðlakeppnin að þessu sinni var mikil skemmtun og nóg af mörkum en sparkspekingar spyrja sig nú hvort gæðin séu nógu mikil og hvort bilið á milli liðanna sé að breikka. Í heildina eru spilaðir 96 leikir í sex umferðum í Meistaradeildinni og að þessu sinni voru skoruð fleiri en fjögur mörk í 33 leikjum eða í 35 prósent leikjanna. Tíu af þessum 33 leikjum enduðu með jafntefli en þrettán af þessum 33 markasúpum enduðu með algjöru rústi þar sem sigurliðið vann með fjórum mörkum eða fleiri. Sjaldan hafa nefnilega sést jafn miklir yfirburðir í leikjum og í Meistaradeildinni í ár. Spennan var ekki mikil en meira og minna var allt ráðið fyrir lokaumferðina. Eins og síðustu ár var lítið um óvænt tíðindi í riðlakeppninni þar sem stóru strákarnir fara alltaf áfram. Bilið virðist vera að breikka á milli stóru liðanna og þeirra minni en ótrúlega tölur sáust í riðlakeppninni að þessu sinni eins og 7-0 sigur Barcelona á Celtic. Það var alls ekkert einsdæmi. Meistaradeildin er að verða svolítið fyrirsjáanleg þar sem stærstu og ríkustu liðin komast nær alltaf upp úr riðlakeppninni og síðan lengst í útsláttarkeppninni. Sem betur fer er til lið eins og Atlético Madrid sem heldur fótboltarómantíkinni á lífi. Næst á dagskrá í Meistaradeildinni eru 16 liða úrslitin en til að gefa einhverja mynd af hversu fyrirsjáanleg þau eru er fínt að skoða aðeins hvernig undanúrslitin hafa verið síðustu fimmtán ár. Fjórtán mismunandi lið frá sjö mismunandi löndum spiluðu einn eða fleiri leiki í undanúrslitum frá 2001-2006. Næstu fimm árin, frá 2006-2011, spiluðu ellefu lið frá fimm löndum að minnsta kosti einn leik í undanúrslitum Áfram minnkaði fjölbreytnin því síðustu fimm ár, frá 2011-2016, hafa átta lið frá fjórum löndum spilað í undanúrslitum Meistaradeildarinnar. Lið frá Frakklandi hafa ekki komist í undanúrslit síðustu fimm ár og lið frá Portúgal og Hollandi hafa ekki komist svo langt í rúman áratug. Það er vonandi að þetta breytist á næstu árum en þangað til lítur Fréttablaðið aðeins yfir farinn veg í riðlakeppninni þetta tímabilið og verðlaunar það besta auk þess að afhenda ein skammarverðlaun.JBan OblakVísir/Getty Besti markvörðurinnJBan Oblak, Atlético Madrid Slóveninn er smám saman að vinna sér sess á meðal bestu markvarða heims. Það er eins og með framherjana hjá Atlético; liðið er alltaf klárt með næsta markvörð þegar einhver fer. Frá De Gea í Courtois í Oblak, ekki slæmt. Atlético vann riðilinn með Bayern München í og hirti 15 stig af 18 mögulegum. Liðið skoraði ekki nema sjö mörk en Oblak með trausta Atlético-vörnina fyrir framan sig hirti boltann aðeins tvisvar sinnum úr netinu.Besti varnarmaðurinnAdil Rami, Sevilla Franski miðvörðurinn spilaði eins og kóngur í hjarta varnarinnar hjá Sevilla sem hélt hreinu fimm sinnum og fékk á sig öll þrjú mörkin í riðlinum í einum og sama leiknum gegn Juventus í fimmtu leikviku en spænska liðið fylgir gömlu konunni í 16 liða úrslitin. Rami vann 37 bolta í og við teiginn, átti þrjár lykiltæklingar, hreinsaði boltann þrettán sinnum frá marki og varði tvö skot. Þá kláraði hann 83 prósent sendinga sinna.Riyah MahrezVísir/Getty Besti miðjumaðurinnRiyah Mahrez, Leicester Fáir nýliðar í Meistaradeildinni hafa staðið sig betur en Leicester. Fáir nýliðar á meðal leikmanna hafa haft jafn mikil áhrif á lið sem er nýliði og Alsíringurinn Mahrez. Hann skoraði fjögur mörk og lagði upp eitt en Leicester skoraði varla mark til að byrja með í keppninni nema hann ætti þar hlut að máli.Besti framherjinnLionel Messi, Barcelona Það kemur kannski ekkert mikið á óvart að mögulega besti fótboltamaður sögunnar hafi staðið sig best í riðlakeppninni. Hann er sjálfur búinn að setja viðmiðið hátt fyrir löngu en ekki verður annað sagt en að hann hafi staðið undir öllum sínum gæðakröfum. Messi skoraði tíu mörk í fimm leikjum, öll með vinstri fæti og níu innan teigs auk þess sem hann lagði upp tvö mörk fyrir Börsunga sem rústuðu sínum riðli í baráttu við Manchester City. Messi skoraði helming marka Barcelona í riðlinum og þurfti aðeins fimmtán tilraunir á markið til þess. Þá kláraði hann 80 prósent sendinga sinna.André Silva.Vísir/GettyNýja stjarnanAndré Silva, Porto Það hefur aldrei þótt einhver svakalegur gæðastimpill að vera framherji frá Portúgal, landi miðjumannanna og miðvarðanna. Þessi 21 árs gamli strákur gæti verið að breyta þeirri ímynd en hann fór á kostum með Porto sem hafnaði í öðru sæti í G-riðli á eftir Englandsmeisturum Leicester. Silva skoraði fjögur mörk og lagði upp önnur tvö á leið portúgalska liðsins í 16 liða úrslitin.Vísir/GettyBesti leikurinnMan. City - Barcelona 3-1 Það var mikið af skemmtilegum leikjum fyrir fótboltaáhugamenn í riðlakeppni Meistaradeildarinnar þetta tímabilið. Til dæmis má nefna tólf marka ruglið í Dortmund þar sem heimamenn unnu Legía Varsjá. 8-4. Ef horft er til gæða fótboltans, leiks þar sem ekki var hægt að líta af skjánum, kemur aðeins einn til greina. Það er 3-1 sigur Manchester City gegn Barcelona á Etihad-vellinum. Sá leikur er það sem Meistaradeildin snýst um.Vísir/Getty SkammarverðlauninBesiktas Það er auðvelt að benda á eitt af þeim sjö liðum sem unnu ekki leik í Meistaradeildinni á þessari leiktíð og þá sérstaklega Club Brugge og Dinamo Zagreb sem fengu ekki eitt stig í riðlakeppninni. Kökuna fær þó tyrkneska liðið Besiktas sem fór til Kænugarðs í lokaumferðinni og mætti Dynamo Kiev. Úkraínumennirnir voru ekki búnir að vinna leik og áttu ekki möguleika á að komast áfram en Besiktas vissi að sigur gæti komið því áfram ef Napoli ynni Benfica. Jú, Napoli vann Benfica en Besiktas varð sér til skammar með því að tapa, 6-0, gegn botnliðinu og missa tvo menn út af með rautt. Góða skemmtun í Evrópudeildinni.
Meistaradeild Evrópu Mest lesið Utan vallar: Leikur fyrir snjallsímakynslóðina Enski boltinn Ráðist að Immobile fyrir framan konu hans og barn Fótbolti Andrea Rán spilar á Íslandi í sumar Íslenski boltinn „Get ímyndað mér að það sé erfitt fyrir andstæðingana að eiga við hann“ Körfubolti Umfjöllun og viðtöl: Njarðvík - Breiðablik 120-86 | Heimamenn flugu upp í 2. sætið Körfubolti Núñez meiddist gegn Man United Enski boltinn Klesst á flugvél ísraelska liðsins Fótbolti Óli Valur aftur í raðir Stjörnunnar Íslenski boltinn Vísa í Harald hárfagra, rúnir og norðurljósin í nýrri landsliðstreyju Fótbolti Sædís Rún lagði upp í sinum fyrsta leik í atvinnumennsku Fótbolti Fleiri fréttir Andrea Rán spilar á Íslandi í sumar Ráðist að Immobile fyrir framan konu hans og barn Utan vallar: Leikur fyrir snjallsímakynslóðina Óli Valur aftur í raðir Stjörnunnar Karólína Lea lagði upp í sigri Sædís Rún lagði upp í sinum fyrsta leik í atvinnumennsku Núñez meiddist gegn Man United HK sækir leikmann sem hefur áður leikið með liðinu Klesst á flugvél ísraelska liðsins Fjórtán ára undrabarn valdi Man. City Hættir eftir 29 ára starf fyrir sama klúbbinn Vísa í Harald hárfagra, rúnir og norðurljósin í nýrri landsliðstreyju Nottingham Forest missir fjögur stig Dreymir um hitalagnir og höll Sænski landsliðsmaðurinn laus úr öndunarvél Kveðst skítsama um skoðun Hareide Klopp ósáttur við að fá ekki eina skiptingu í viðbót Fórnaði Arsenal fyrir konu Þrír dagar í EM-umspil: Neituðu að mæta Ísrael þegar þeir komust síðast á stórmót Stór stund fyrir kærustuparið sem eyddi sumri í Mosfellsbænum Davíð Smári reiðubúinn að „falla á eigið sverð“ Gylfi spilar á Íslandi daginn fyrir EM-umspilið Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Xavi sá rautt þegar Barca vann stórt í Madríd Inter mistókst að ná tíu stiga forystu á ný Leikmenn Fenerbache slógust við áhorfendur sem réðust inn á völlinn Baldur heimsækir nýliða Vestra Lið Jóns Dags bjargaði sér á ögurstundu Stórliðin með sigra á Ítalíu Sjá meira