Fylgjast með aukinni virkni í Kötlu

Ákveðið hefur verið að vísindamenn fljúgi yfir Mýrdalsjökul síðdegis í dag til þess að skoða aðstæður.

Almannavarnadeild ríkislögreglustjóra og lögreglustjórinn á Hvolsvelli hafa undanfarna daga fylgst náið með jarðskjálftavirkni í Mýrdalsjökli í samvinnu við vísindamenn Veðurstofu Íslands og Jarðvísindastofnunar Háskóla Íslands.

Ekki hefur verið talin ástæða til að lýsa yfir háskastigi almannavarna. Vísindamannaráð almannavarna mun hittast á morgun og fara yfir stöðu og þróun mála.