LAUGARDAGUR 28. MAÍ NÝJAST 08:01

Týndi ferđafélögum og mundi ekki nafniđ á hótelinu

FRÉTTIR

Forsćtisráđherrafrúin Anna Stella: Greinir frá erlendu félagi á Facebook

 
Innlent
22:48 15. MARS 2016
Anna Sigurlaug Pálsdóttir, eiginkona Sigmundar Davíđs Gunnlaugssonar forsćtisráđherra, greinir frá ţví í ítarlegri fćrslu um fjármál sín á Facebook í kvöld ađ hún eigi erlent félag sem heldur utan um fjölskylduarf hennar.
Anna Sigurlaug Pálsdóttir, eiginkona Sigmundar Davíđs Gunnlaugssonar forsćtisráđherra, greinir frá ţví í ítarlegri fćrslu um fjármál sín á Facebook í kvöld ađ hún eigi erlent félag sem heldur utan um fjölskylduarf hennar. VÍSIR/VALLI

Anna Sigurlaug Pálsdóttir, eiginkona Sigmundar Davíðs Gunnlaugssonar forsætisráðherra, greinir frá því í ítarlegri færslu um fjármál sín á Facebook í kvöld að hún eigi erlent félag sem heldur utan um fjölskylduarf hennar. Félagið hafi frá upphafi greitt alla skatta á Íslandi og aldrei fjárfest í íslenskum fyrirtækjum frá því að Sigmundur Davíð byrjaði í stjórnmálum.

Anna Sigurlaug, sem nær alltaf er kölluð Anna Stella, er með ríkustu konum landsins. Hún er dóttir Páls Samúelssonar, fyrrverandi eiganda Toyota-umboðsins á Íslandi sem seldi reksturinn árið 2005. Fjölskylduarfurinn sem hún vísar til er þaðan kominn.

Anna Stella segir í færslunni umræðu um persónuleg mál sín og fjölskyldu hennar í samhengi við störf forsætisráðherra byrjaða „enn og aftur.“ Hún segist því vilja hafa „staðreyndirnar réttar,“ vilji fólk ræða mál hennar á annað borð. Í lok færslunnar kallar hún eftir því að fólk gefi „Gróu á Leiti smá frí.“ Fjármál Önnu Stellu hafa ekki verið til umfjöllunar í fjölmiðlum að undanförnu en samkvæmt heimildum Vísis er færslan sett inn nú til að bregðast við umræðu um félagið sem komið hefur upp allra síðustu daga.


Anna Stella segir ţau Sigmund Davíđ hafa í upphafi bćđi veriđ skráđ fyrir félaginu fyrir mistök.
Anna Stella segir ţau Sigmund Davíđ hafa í upphafi bćđi veriđ skráđ fyrir félaginu fyrir mistök. VÍSIR/VALLI

Farið er yfir víðan völl í færslunni. Anna Stella fer yfir aðdraganda þess að félagið Wintris Inc. var stofnað, tekur sérstaklega fram að því hafi aldrei verið leynt og að engum skattgreiðslum þess hafi verið frestað „þó að möguleikar væru til þess samkvæmt lögum.“ Þá segir hún að árið 2009 hafi skráning félagsins verið leiðrétt en bankinn hennar í Bretlandi hafi upphaflega talið að þau Sigmundur Davíð ættu félagið saman.

„Ef þetta er ekki nóg fyrir einhverja, þá er ég líka undir sérstöku eftirliti samkvæmt EES reglum til að tryggja rétt skattskil þar sem sérstaklega strangar reglur gilda um þá sem tengjast stjórnmálamönnum,“ skrifar hún. „Þar sem ég er ekki sérfræðingur í viðskiptum, þá hef ég áfram haft fjölskylduarfinn í fjárstýringu hjá viðskiptabanka mínum í Bretlandi og þar eru gerðar sérstakar kröfur til mín og þeirra sem mér tengjast vegna þessara reglna.“

Hún lýkur færslunni á að taka fram að hún hafi tapað töluverðu fé á bönkunum í hruninu, líkt og margir aðrir, og að þó þau Sigmundur styðji hvort annað sem hjón hafi þau mjög skýrar reglur á því hvernig þau aðskilji „þessa hluti.“

Facebook-færslu Önnu Stellu má lesa í heild sinni hér að neðan.


Kćru vinir.Frá ţví ađ Sigmundur byrjađi í pólitík hef ég ţurft ađ hlusta á og frétta af umrćđu um persónuleg mál mín og...

Posted by Anna Sigurlaug Pálsdóttir on 15. mars 2016
Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Forsćtisráđherrafrúin Anna Stella: Greinir frá erlendu félagi á Facebook
Fara efst