Fjögurra ára barn lést í eldsvoða á Stokkseyri

Fjögurra ára drengur lést þegar eldur kom upp í húsbíl á Stokkseyri á þriðja tímanum í dag. Allt tiltækt lið lögreglu og slökkviliðs var kallað út en þegar þangað var komið var bifreiðin alelda.

Drengurinn var að leik í bílnum þegar eldurinn kom upp.

Lögreglan á Suðurlandi ásamt tæknideild lögreglunnar á höfuðborgarsvæðinu vinna að rannsókn slyssins og eldsupptakanna. Í tilkynningu segir að ekki verði gefnar frekari upplýsingar um málið að svo stöddu.