Enski boltinn

Fabregas opnaði markareikninginn í sigri

Kristinn Páll Teitsson skrifar
Leikmenn Chelsea fagna marki Fabregas.
Leikmenn Chelsea fagna marki Fabregas. Vísir/Getty
Cesc Fabregas skoraði sitt fyrsta mark fyrir Chelsea í 3-1 sigri á hollenska liðinu Vitesse í dag. Mark Fabregas var einkar snyrtilegt en hann skoraði beint úr aukaspyrnu.

Mohamed Salah kom Chelsea yfir í byrjun leiksins eftir góða sendingu frá Diego Costa áður en Fabregas kom Chelsea í 2-0 með glæsilegri aukaspyrnu.

Serbneski miðjumaðurinn Nemanja Matic gerði endanlega út um leikinn þegar skammt var til leiksloka með þriðja marki Chelsea. Aftur var það Costa sem lagði upp markið sem Matic skoraði af stuttu færi.

Uroš Đurđević minnkaði muninn þegar skammt var til leiksloka en lengra komst hollenska liðið ekki.

Chelsea mætir Werder Bremen á sunnudaginn áður en liðið leikur síðasta æfingaleik sinn fyrir næstkomandi tímabil gegn ungverska liðinu Ferencváros í Búdapest viku síðar. 




Fleiri fréttir

Sjá meira


×