Erlendum ferðamönnum fjölgar um hátíðarnar

Erlendum ferðamönnum sem dvöldu á hótelum í Reykjavík nú um jólin fjölgaði um nær 50% frá jólunum í fyrra. En um 1200 erlendir ferðamenn dvöldu um þessi jól á hótelunum.

Í fréttatilkynningu frá Samtökum ferðaþjónustunnar kemur fram að erlendum ferðamönnum sem dvelja á hótelum og gistiheimilum nú um áramótin fjölgar um 10% frá því í fyrra. Um 3300 erlendir ferðamenn verða á hótelum og gistiheimilum í höfuðborginni um áramótin.

Margir erlendir ferðamenn dvelja hér á landi milli jóla og nýárs án þess að dvelja yfir hátíðisdagana sjálfa. Fjölmennastir eru Rússar, Japanir, Bretar, Norðurlandabúar og Bandaríkjamenn.