Eldur í Gamla bókasafninu í Hafnarfirði

Slökkvilið höfuðborgarsvæðisins var kallað út að Mjóasundi tíu í Hafnarfirði á þriðja tímanum í dag. Gamla bókasafnið var þar áður til húsa. Greiðlega gekk að ráða niðurlögum eldsins sem kviknað hafði í húsinu og var verið að reykræsta húsið að því er slökkviliðið staðfesti við Vísi um þrjúleytið.

Slökkviliðið fékk tilkynningu um eldinn sem skömmu fyrir þrjú, en hann hafði kviknað í sófa í húsnæðinu.

Slökkviliðsmenn gengu einnig úr skugga um að glæður hafi ekki leynst í húsinu sem gætu blossað upp aftur. Þá bar mikin reyk frá sófanum og tók nokkurn tíma að reykræsta húsnæðið. Allt tiltækt slökkvilið var kallað út og fóru dælubílar frá þremur stöðuvm á vettvang.