Innlent

Fréttir í tímaröð

Fréttamynd

Hopp segir mál öku­manns í höndum lög­reglu

Lögregla hafði afskipti af ökumanni sem ók deilibíl frá Hopp á hjólastíg í Fossvogi í Reykjavík í kvöld. Óljóst er hvað ökumanni gekk til og segir framkvæmdastjóri að málið sé í höndum lögreglu. Ekki sé talið að ökumaður hafi valdið skemmdum.

Innlent
Fréttamynd

Reki fyrir­tæki og séu ná­lægt því að missa allt frá sér

„Oft er þetta fólk sem er í vinnu og hefur kannski fyrirtæki og er í miklum umsvifum og er bara um það bil að missa allt frá sér vegna neyslunnar. Hún er dýr og krefst þess líka að fá meira og aftur og þetta verður mikil áþján fyrir einstaklinginn og fjölskyldu hans að sjálfsögðu.“ Þetta segir Valgerður Rúnarsdóttir, framkvæmdastjóri lækninga hjá SÁÁ, um þann fjölbreytta hóp sem sæki sér aðstoðar vegna kókaínfíknar.

Innlent
Fréttamynd

„Veru­legur sam­dráttur og menn eru að segja upp mann­skap“

Samdráttur í byggingariðnaði hefur gert það að verkum að fyrirtæki eru farin að horfa út fyrir höfuðborgarsvæðið í leit að verkefnum og þá bjóða margfalt fleiri í sama verkið nú en áður. Uppsagnir eru í geiranum og dæmi um að starfsmannafjöldi hafi helmingast hjá einu fyrirtæki.

Innlent
Fréttamynd

„Skráningum rignir inn“

Áfram Ísland er ný hreyfing sem vill berjast gegn fullri aðild að Evrópusambandinu. Stofnfundur fer fram á mánudag. Halldór Benjamín Þorbergsson, einn stofnfélaga, segir að þó svo að baráttan fari fram um hásumar skynji hann mikinn áhuga. Skráningum rigni inn. Það sé ábyrgð þjóðar að kynna sér málið fyrir kosningar í ágúst.

Innlent
Fréttamynd

Eftir­spurn eftir kókaíni virðist aldrei hafa verið meiri

Lögregla hefur lagt hald á um tvö hundruð kíló af kókaíni það sem af er ári, á aðeins sex mánuðum. Það er næstum tvöfalt meira en allt síðasta ár. Í kvöldfréttum í gær sagði lögregla að samfélagið þyrfti að líta í eigin barm og ræða eftirspurnina, ekki aðeins innflutninginn. Í kvöld verður rætt við Valgerði Rúnarsdóttur, framkvæmdastjóra lækningasviðs SÁÁ, um afleiðingar kókaínneyslu.

Innlent
Fréttamynd

Kristján allt annað en sáttur við typpadansinn

Samkvæmt heimildum Vísis var Kristján Loftsson, forstjóri og eigandi Hvals, allt annað en ánægður með uppátæki ungs starfsmanns í hvalskurði þegar hann lék sér að limi hvalhræsins sem Hvalur 8 flutti til hafnar í gær.

Innlent
Fréttamynd

Dæmdur morðingi grunaður í Straumsvíkurmálinu

Einn þeirra níu sem eru í haldi lögreglu vegna rannsóknar á innflutningi á sögulegu magni fíkniefnis með flutningskipi sem kom til hafnar í  Straumsvík hlaut dóm fyrir morð í Danmörku árið 2011. Hann hefur áður verið í haldi lögreglu grunaður um stórfellt fíkniefnamisferli. 

Innlent
Fréttamynd

Rann­sókn í gangi á lengd dauðastríðsins

Matvælastofnun rannsakar af hverju langreyður háði hálftíma dauðastríð eftir að hafa verið skotin af skyttum Hvals. Dýraverndarsamband Íslands krefst þess að veiðarnar verði stöðvaðar og leyfi Hvals afturkallað.

Innlent
Fréttamynd

Tveimur sagt upp á Bif­röst

Tveimur var sagt upp í gær á stoðsviði og stjórnsýslusviði Háskólans á Bifröst. Um hagræðingaraðgerðir er að ræða en rektor á ekki von á frekari uppsögnum í ár. Í haust hefst fjölmennasta önn skólans frá upphafi.

Innlent
Fréttamynd

Renni­brautinni lokað og ljósin skoðuð

Ljósastýringar í rennibraut Laugardalslaugar eru yfirfarnar reglulega en stærsta rennibrautin er lokuð sem stendur vegna viðhalds. Síðasta laugardag, þann 27. júní, var kallað eftir aðstoð lögreglu vegna þess að drengjahópur fór niður rennibrautina á eftir manni með ungt barn með þeim afleiðingum að þeir lentu saman. Maðurinn veittist þá að drengjunum og í kjölfarið fór einn þeirra á slysadeild í fylgd forráðamanna.

Innlent
Fréttamynd

Hvalur háði hálf­tíma dauða­stríð

Samkvæmt skýrslu Matvælastofnunar háði langreyður hálftíma langt dauðastríð þegar skyttur Hvals hf. veiddu hana hinn 22. júní. Dýraverndarsamtök krefjast þess að félagið verði svipt veiðileyfi.

Innlent
Fréttamynd

Gómuð af tollinum með tvo lítra af kókaíni inn­vortis

Þrír Kólumbíumenn voru í gær sakfelldir fyrir stórfellt fíkniefnalagabrot með því að hafa 19. febrúar 2026 flutt samtals 2.370 ml af kókaíni í vökvaformi innvortis til Íslands með flugi frá París, ætlað til söludreifingar. Einn sætir sjö mánaða fangelsi en hinir þrjátíu mánaða.

Innlent
Fréttamynd

Féll fram af svölum á hjúkrunaheimili og lést

Rannsókn stendur yfir hjá lögreglunni á höfuðborgarsvæðinu eftir að öldruð kona féll fram af svölum á hjúkrunarheimili í Reykjavík og lést. Forstjóri segir um hörmulegt slys að ræða og að hann viti ekki til þess að annað eins hafi gerst á hjúkrunarheimilinu. 

Innlent