Bryan Adams segir ótrúlegt ađ Ísland eigi svona demant

 
Innlent
23:20 09. ÁGÚST 2014
Bryan Adams á tónleikunum í Hörpu í kvöld.
Bryan Adams á tónleikunum í Hörpu í kvöld. MYND/SIGRÍĐUR ATLADÓTTIR

Rokkarinn Bryan Adams fór á kostum á fyrri tónleikum sínum í Eldborgarsal Hörpu í kvöld samkvæmt þeim tónleikagestum sem Vísir hefur heyrt hljóðið í.

Kanadíski hjartaknúsarinn var sérstaklega ánægður með hljóminn í Hörpu. Hafði hann á orði að hann væri búinn að ferðast um allan heim á tónleikaferðalagi sínu en tvö tónleikahús bæru af. Annars vegar sjálft óperuhúsið í Sydney og hins vegar Harpa. Bætti hann við að það væri með ólíkindum að svo fámenn þjóð ætti „svona demant“.

Hvort Adams hafi átt við glæsileika húsanna eða hljómburðinn skal ósagt látið. Óperuhúsið í Sydney hefur löngum verið lofað fyrir glæsileika á meðan fólk hefur keppst við að gagnrýna hljómburðinn í því. Leikarinn John Malkovich svaraði gagnrýni á eigin frammistöðu í húsinu á dögunum á þann veg að hljómburðurinn í húsinu væri verri en í flugskýli.

Adams er á ferðalagi um heiminn ásamt píanóleikara á svokölluðum Bare Bones-túr. Njóta áhorfendur mikillar nálægðar við söngvarann á tónleikunum þar sem hann spjallar við fólk sem biður jafnvel um óskalög á tónleikunum. Svo vel seldist á tónleikana í kvöld að blásið var til aukatónleika sem fram fara annað kvöld. Uppselt er á aukatónleikana.


Frá tónleikunum í Eldborg í kvöld.
Frá tónleikunum í Eldborg í kvöld. VÍSIR/JKJ


Bryan Adams og Eldborgarsalurinn í Hörpu.
Bryan Adams og Eldborgarsalurinn í Hörpu. VÍSIR/GETTY


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Bryan Adams segir ótrúlegt ađ Ísland eigi svona demant
Fara efst