Bresk hljómsveit fórst í bílslysi í Svíţjóđ

 
Erlent
10:50 14. FEBRÚAR 2016
Međlimir bresku sveitarinnar Viola Beach.
Međlimir bresku sveitarinnar Viola Beach. VÍSIR/FACEBOOK

Fimm Bretar létu lífið í bílslysi í Stokkhólmi í Svíþjóð í gær. Fréttastofa breska ríkisútvarpsins BBC greinir frá því að allir fjórir meðlimir bresku hljómsveitarinnar Viola Beach hafi dáið í þessu slysi.

Lögreglan í Stokkhólmi segir bíl, sem Bretarnir fimm voru í, hafa farið fram af brú og ofan í skipaskurð, en fallið er sagt rúmlega 25 metrar.

Hljómsveitin Viola Beach var úr breska bænum Warrington en meðlimir hennar hétu Kris Leonard, River Reeves, Tomas Lowe og Jack Dakin. Þeir höfðu komið fram á sænsku tónlistarhátíðinni Where is the Music? á föstudag og áttu að spila á tónleikum í Guildford næstkomandi laugardag.


Grímur Atlason, framkvæmdastjóri tónlistarhátíðarinnar Iceland Airwaves, sá Viola Beach á Where is the Music? síðastliðið föstudagskvöld og spjallaði við umboðsmanninn þeirra áður en þeir fóru á svið. „Þegar ég gekk út eftir giggið voru þeir að hlaða bílinn - þurftu að drífa sig til Stokkhólms. Þeir komust aldrei þangað. Það er ekki allt sjálfsagt í þessum heimi. Ég ætla að muna það og heiðra þannig minningu þessara ungu manna,“ segir Grímur.

Horfđi á fjóra 19 ára stráka frá Englandi spila á tónleikum á föstudagskvöldiđ. Spjallađi viđ umbođsmanninn ţeirra áđur...

Posted by Grímur Atlason on Sunday, February 14, 2016

Bandið gaf út fyrsta lagið sitt, Swings & Waterslides, í fyrra og var talið afar efnilegt.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Bresk hljómsveit fórst í bílslysi í Svíţjóđ
Fara efst