FIMMTUDAGUR 23. MARS NÝJAST 17:48

Ţjálfari Kósóvó: Meiri líkur á íslenskum sigri

SPORT

Börn grýttu og spörkuđu í flamengófugla í tékkneskum dýragarđi

 
Erlent
14:44 16. MARS 2017
Flamengófuglinn sem drapst var karlkyns og metinn á um 230 ţúsund krónur.
Flamengófuglinn sem drapst var karlkyns og metinn á um 230 ţúsund krónur. CEN/TV NOVA

Þrír drengir á aldrinum fimm til átta ára spörkuðu í flamengófugla í tékkneskum dýragarði svo hann drapst. Þeir höfðu áður kastað steinum að fuglinum.

Independent segir frá því að drengirnir hafi klifrað yfir girðingu og inn á lóð dýragarðsins í Jihlava og svo ráðist að fuglunum.

Dýrafræðingurinn Jan Vašák segir í samtali við Prague Morning að rafvirki sem var að störfum í dýragarðinum hafi stöðvað drengina þar sem hann hafi komið að þeim að misþyrma fuglunum. Einn flamengófugl var þá dauður og annar illa særður.

Starfsmenn dýragarðsins segja að þeir hafi reynt að ná drengjunum en þeim hafi tekist að flýja. Einn drengjanna hafi verið í einkennandi gulri peysu og tókst lögreglu að hafa uppi á tveimur þeirra með aðstoð upptakna úr öryggismyndavélum. Þeim þriðja tókst að sleppa undan.

Martin Maláč, talsmaður dýragarðsins, segir að drengirnir hafa ekki sýnt nein merki þess að skammast sín og kann svo að fara að foreldrum þeirra verði gert að greiða bætur.

Flamengófuglinn sem drapst var karlkyns og komst lífs af eftir flóð í dýragarði í Prag árið 2002 áður en hann var fluttur til garðsins Jihlava. Fuglinn var metinn á um 230 þúsund krónur.

Dýragarðsstarfsmenn óttast að árás drengjanna hafi hrætt aðra fugla og að það kunni að hafa áhrif á ræktun fuglanna í garðinum.

Jihlava er bær í suðurhluta Tékklands, rúmum 120 kílómetrum suðaustur af höfuðborginni Prag.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Börn grýttu og spörkuđu í flamengófugla í tékkneskum dýragarđi
Fara efst