Innlent

Borgin styrkir Skáksamband Íslands

Sunna Karen Sigurþórsdóttir skrifar
Dagur B. Eggertsson, borgarstjóri og Gunnar Björnsson skrifuðu undir samninginn í dag.
Dagur B. Eggertsson, borgarstjóri og Gunnar Björnsson skrifuðu undir samninginn í dag. mynd/reykjavíkurborg

Dagur B. Eggertsson borgarstjóri og Gunnar Björnsson, forseti Skáksambands Íslands, skrifuðu í dag undir samstarfssamning og mun borgin styðja Reykjavíkurskákmót næstu ára. Þá leggur Reykjavíkurborg einnig til húsnæði fyrir Evrópumót skáklandsliða sem haldið verður í Reykjavík í ár. Þetta kemur fram í tilkynningu frá Reykjavíkurborg.

Í tilkynningunni segir að Reykjavíkurborg muni styrkja EM 2015 með endurgjaldslausum afnotum af húsnæði Íþrótta- og sýningarhallarinnar í Laugardal. Mótið verði kynning fyrir Reykjavík og að Skáksambandið muni kynna borgina sem best í aðdraganda mótsins. Þá verður sérstakri samstarfsnefnd komið á laggirnar vegna viðburðarins.

Reykjavíkurborg mun styrkja árleg Reykjavíkurskákmót til ársins 2017 og nemur heildarfjárhæð stuðningsins tæplega 11,5 milljónum króna.

Reykjavíkurskákmótið Reykjavík Skák
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið