Bókin um mömmu

Fréttablaðið Bakþankar 04. október 2011 06:00

Sigurður Árni Þórðarson

Sigurður Árni Þórðarson skrifar:

Bréfberinn setti pakka inn um bréfalúguna í vikunni. Nei sko, í bögglinum var falleg bók. Á forsíðunni var skönnuð mynd gamallar og blettóttrar matreiðslubókar og svo skar sig úr mynd af glæsilegri konu. Við hjónin fórum að skoða bókina og í ljós kom að þetta var rit, sem vinkona okkar í Þrándheimi hafði gert um móður sína.

Þarna voru samankomnar bestu uppskriftir mömmunnar, úrval fjölskyldumynda og frásagnir af lífinu í uppvaxtarhúsinu. Við fengum innsýn í fjölskyldusögu, sem við þekktum ekki fyrir. Vinkona okkar gefur svo þessa fallegu elskugjöf þegar tilefni gefast, þegar hún vill veita af sínu hjartablóði og tjá þakklæti sitt. Mamma hennar er ekki dáin, en hún er á leið inn í Alzheimer-fjarlægðina. Í formálanum stóð að hvati bókarinnar væri íslenskur. Vinkona okkar hafði fengið að gjöf bók um íslenska mömmu, eldamennsku og líf hennar og sú bók hefði hrifið og hvatt til dáða. Þá varð norska mömmubókin til.

Já, mikið rétt. Kona mín tók sig til þegar móðir hennar lést og safnaði uppskriftum hennar og fjölskyldumyndum frá ólíkum skeiðum. Svo skrifaði hún á blað minningar um mömmu sína, raðaði efni niður og minningarorðin úr kirkjunni eru þarna líka. Mamman var orðhnyttin og skemmtin og því fengu orðatiltæki hennar að vera neðst á öllum síðum. Þau eru upprifjandi og fyndin. Svo var vandað til umbrots og prentunar. Úr varð fallegt rit, sem kona mín hefur gefið stórfjölskyldunni, vinum sínum og hefur líka gefið þegar hún fer í boð. Þetta er bók gleði og þakklætis og kvennamenningar. Líf er virt, gjafmildi og elskusemi mömmunnar er tjáð – bókin um mömmu.

Hvernig getum við lagt rækt við fjölskyldusögu okkar? Við segjum sögur af fólkinu okkar og efnum til ættarmóta. Við höldum veislur tengdar stórviðburðum ævinnar. Flest okkar hafa ærnar ástæður til að leggja rækt við foreldra og ástvini. Elskubækur um þetta fólk eru jafnvel langlífari en legsteinar á leiði. Áar og eddur fá þar með ásjónu, andlit og sögu, sem grjótið tjáir ekki. Minningarit um hin látnu eru góð og vinnsla ritsins getur hjálpað við sorgarúrvinnslu. Svo er kjörið að vinna svona rit meðan fólk lifir og jafnvel í samvinnu við það. Virðisauki þakka er meiri í eyra og auga en í minningargrein. Áttu pabba, mömmu eða ástvin, sem þig langar að bóka? Jólagjöfin í ár?

Til baka

Morðið í London talið hryðjuverkaárás

Bókin um mömmu

Mest lesið

Grét yfir tíufréttunum

Ömurlegt að heyra stjórnarandstæðinga óska fráfarandi stjórn alls ills

Sögðust vera í lundaskoðunarferð og voru sýknaðir af þjófnaði

Jóhanna Sigurðardóttir steig dans

15 ástæður til að elska Ísland

Gagnrýndu nýja ríkisstjórn harðlega á Bessastöðum

Öryggisgæsla hert við herskála vegna hrottafengins morðs

Þykir vænt um kaggann

Sigmundur Davíð: Skemmtilegast að hafa hlut kynjanna jafnan

Drap sjö ára stúlku í sjálfsvígstilraun

Rætt um að fá Phil Neville til ÍBV

Tíu leikja bann og rúmar tvær milljónir í sekt

Völlurinn er handónýtur

Stuðningsmenn Man. City safna fyrir auglýsingu í Gazzetta dello Sport

Hrikalegar myndir af Nincevic

Íslenski Konninn slær í gegn

Gaui Þórðar hafnaði erlendu liði í janúar

Haukar og Tindastóll með góða sigra

Duncan valinn í lið ársins

Guðjón Heiðar leggur skóna á hilluna

Fyrrverandi forstjóri Baugs sleppur með skrekkinn - þarf aðeins að greiða 170 milljónir

Vestmannaeyingar saka Magnús Kristinsson um laumuspil

Hagnaður Arion banka þrefalt minni en í fyrra

FME var óheimilt að krefja fjármálafyrirtæki um greiðslur

Dýrasti Aston Martin bíll sögunnar seldur á 600 milljónir

Ísland hundraðasta vindorkuþjóðin

Nóbelsverðlaunahafi segir það rétt að gera hlé á ESB viðræðum

Niðursveiflan á alþjóðamörkuðum nær til Wall Street

Alvogen eykur umsvif sín á Íslandi

Síldarvinnslan tók á móti tæplega 36.000 tonnum af kolmunna

Lét drauminn rætast og flutti út með fjölskylduna

Þetta borðar Beyoncé í kvöldmat

Megrunarkúr fræga fólksins

Vá, hvað hún er liðug!

Hrós handa ófrískum konum

Ég er með appelsínuhúð á rassinum og maganum

Þvílík gyðja

Ströng móðir

Maðurinn sem braut niður hurðina

Kaupir hús í skugga gjaldþrots

Sparkað í dekk á grilli

Ouagadougou

Halldór 23.05.2013

Síðasti séns

Að fá lánað

Stalínísk stórmennska í Gálgahrauni

Hrifla og heimurinn

Merkur stjórnmálamaður og ríkisstjórn kveðja

Mannréttindi, spilling og fjölbreytni

„Túrbínutrixið“ í Helguvík

Vísir.is

365