Bjartsýni ríkir vegna barna á Haítí - Tvö ár frá jarđskjálftanum
Börn í skóla í höfuđborginni, Port-au-Prince, sem lagđist nánast í rúst í skjálftanum. Ţau eru í einum af ţeim fjölmörgu skólum sem UNICEF hjálpađi til viđ ađ reisa eftir jarđskjálftann.
Myndir/Arnar Ţór Ţórisson
Í tilefni af því að tvö ár eru liðin frá skjálftanum kynnir UNICEF skýrslu, sem má nálgast á unicef.is, og sýnir hún að margvíslegar góðar fréttir má finna á Haítí – ekki síst á sviði menntunar, heilsugæslu, næringar og barnaverndar. Á nokkrum lykilsviðum er ekki einungis um að ræða endurheimtur á þeirri stöðu sem var fyrir skjálftann heldur beinlínis hluti sem leitt geta til sögulegra breytinga fyrir börn á Haítí.
Fyrir tilstilli styrktaraðila sinna – líkt og þeirra tæplega 18.000 Íslendinga sem eru heimsforeldrar hefur UNICEF getað staðið fyrir umfangsmiklu hjálparstarfi á Haítí.
Mikil áhersla hefur verið lögð á að koma börnum í skóla eins og sjá má á meðfylgjandi myndum ljósmyndarans Arnars Þórs Þórissonar – jafnvel börnum sem ekki gengu í skóla fyrir skjálftann. Hægt er að fletta myndasafninu með því að smella á myndina hér fyrir ofan.
Einnig hefur rík áhersla verið lögð á barnavernd – að vernda börn gegn mansali, harðræði og hvetja stjórnvöld til lagaumbóta sem tryggja börnum bjartari framtíð.
Hér fyrir ofan má sjá hjartnæma sögu frá Haítí þar sem Halldóra Geirharðsdóttir, leikkona, heimsækir bólusetningarmiðstöð og hittir fyrir sjö daga gamla stúlku. Innslagið var sýnt á degi rauða nefsins 2011.
- Fréttir
- Sport
- Viđskipti
- Lífiđ
Fréttir eftir mánuđi
Hér má finna fréttir eftir mánuđi.
- Sími 512 5000
- Hafđu samband
- Starfsfólk
- Umferđ
- Veftré
- Auglýsingar
- 365 Skaftahlíđ 24 105 Reykjavík Sími: 512 5000