Innlent

Bjarki Freyr fékk 16 ár

Atli Steinn Guðmundsson skrifar

Héraðsdómur Reykjaness dæmdi Bjarka Frey Sigurgeirsson rétt í þessu í 16 ára fangelsi fyrir að verða Braga Friðþjófssyni að bana í Hafnarfirði 17. ágúst síðastliðinn.

Við þingfestingu málsins í játaði Bjarki að hafa myrt manninn sem var á svipuðum aldri og hann sjálfur. Hann var hinsvegar ekki tilbúinn til þess að játa að hann hefði notað vöfflujárn við verknaðinn eins og talið var.

Hann játaði aftur á móti að hafa slegið manninn í höfuðið minnst fimm sinnum með tréborði.

Morðið þótti óhugnanlegt en sjónarvottur sem kom fyrstu á vettvang, og Vísir ræddi við á sínum tíma, lýsti aðkomunni sem hryllingi. Ekki er ljóst hvað Bjarka gekk til en hann var í annarlegu ástandi þegar verknaðurinn var framinn. Hann gekkst undir geðrannsóknir, ekki til þess að finna út hvort hann sé sakhæfur, heldur til þess að varpa ljósi á það hversvegna hann varð manninum að bana.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×