Golf

Birgir Leifur ver ekki titilinn á Nesinu

Tómas Þór Þórðarsson skrifar
Birgir Leifur vann Íslandsmótið í höggleik um síðustu helgi.
Birgir Leifur vann Íslandsmótið í höggleik um síðustu helgi. vísir/daníel
Golfmótið „Einvígið á Nesinu“, árlegt góðgerðarmót Nesklúbbsins og DHL, verður haldið á Nesvellinum á mánudaginn.

Venju samkvæmt er tíu af bestu kylfingum landsins boðið til leiks, en í ár spila þau til styrktar einhverfra barna.

Mótið verður með hefðbundnu sniði, þ.e. klukkan 10.00 leika keppendur 9 holu höggleik og kl. 13.00 hefst svo einvígið  (e. shoot-out).  Einn kylfingur dettur út á hverri holu, þar til tveir berjast um sigurinn á 18. holu.

Axel Bóasson mætir til leiks á Nesinu.vísir/daníel
DHL Express á Íslandi hefur verið styrktaraðili mótsins frá því að það var fyrst haldið árið 1997 og ávallt styrkt félög eða samtök sem láta sér hag barna varða.  

Í ár er það Styrktarfélag barna með einhverfu sem nýtur góðs af og fær eina milljón króna frá DHL en félagið styrkir og styður málefni er varðar einhverf börn.  

Birgir Leifur Hafþórsson, sexfaldur Íslandsmeistari í golfi, vann mótið í fyrra, en hann er ekki skráður til leiks í ár þannig hann ver ekki titilinn að þessu sinni.

 

Það vantar þó ekki gæðin í hópinn sem keppir á Nesvellinum á mánudaginn. Kristján Þór Einarsson, Íslandsmeistari í holukeppni, Helga Kristín Einarsdóttir, Íslandsmeistari unglinga, og atvinnukylfingarnir Þórður Rafn Gissurarson og Ólafur Björn Loftsson eru á meðal þátttakenda.

Keppendur 2014:

Axel Bóasson, GK - Klúbbmeistari GK 2014

Bjarki Pétursson, GB - Klúbbmeistari GB 2014

Björgvin Sigurbergsson, GK - Marfaldur Íslandsmeistari

Helga Kristín Einarsdóttir, NK - Klúbbmeistari NK og Íslandsmeistari  

Hlynur Geir Hjartarson, GOS - Klúbbmeistari GOS 2014

Kristján Þór Einarsson, GKj - Íslandsmeistari í holukeppni 2014

Nökkvi Gunnarsson, NK - Sigurvegari opinna móta á

Ólafur Björn Loftsson, NK - Klúbbmeistari NK 2014

Tinna Jóhannsdóttir, GK - Íslandsmeistari í holukeppni 2014

Þórður Rafn Gissurarson, GR - Atvinnumaður í golfi

Sigurvegarar frá upphafi

1997 Björgvin Þorsteinsson

1998 Ólöf María Jónsdóttir

1999 Vilhjálmur Ingibergsson

2000 Kristinn Árnason

2001 Björgvin Sigurbergsson

2002 Ólafur Már Sigurðsson

2003 Ragnhildur Sigurðardóttir

2004 Magnús Lárusson

2005 Magnús Lárusson

2006 Magnús Lárusson

2007 Sigurpáll Geir Sveinsson

2008 Heiðar Davíð Bragason

2009 Björgvin Sigurbergsson

2010 Birgir Leifur Hafþórsson

2011 Nökkvi Gunnarsson

2012 Þórður Rafn Gissurarson

2013 Birgir Leifur Hafþórsson

Þórður Rafn Gissurarson.vísir/daníel
Kristján Þór Einarsson er Íslandsmeistari í holukeppni.vísir/daníel



Fleiri fréttir

Sjá meira


×