Barnfóstra internetsins Bjarni Rúnar Einarsson skrifar 13. september 2012 06:00 Enn eina ferðina eru netsíur til umræðu. Samkvæmt grein í blaðinu Grapevine eru bæði Vodafone og Síminn að undirbúa það að hindra aðgang að klám- og fjárhættuspilavefsíðum. Látið er í veðri vaka að þetta sé lítið mál og eingöngu gert til að vernda venjulega netnotendur gegn hættum frjáls upplýsingaflæðis. Mörgum finnst bara í góðu lagi að hindra aðgang að vefsíðum sem innihalda ólöglegt efni. Jafnframt blöskrar okkur ýmislegt á netinu sem er, því miður, fullkomlega löglegt í því landi þar sem það er gefið út. Því er gjarnan gripið til netsíunnar. En stöldrum aðeins við. Ef það á að taka upp allsherjar ritskoðun og eftirlit með netnotkun landsmanna, er ekki ástæða til að vega og meta kosti og galla kerfisins sem um ræðir? Þetta snýst ekki bara um glæpi og óæskilegt efni, heldur koma friðhelgi einkalífsins og málfrelsi líka við sögu. Margir ímynda sér kannski að netsíur séu eins og dyraverðir skemmtistaða, tækni sem angrar ekki gangandi vegfarendur heldur stoppar bara fólk við innganginn og biður um skilríki því til staðfestingar að allir séu komnir til vits og ára. Það er enginn vafi á því að skuggahverfi netsins veitti ekki af fleiri dyravörðum! Vandinn er að miðlægar netsíur virka alls ekki svona. Netsíur eins og Vodafone og Síminn eru að leggja til, fylgjast með allri netnotkun allra, alltaf, og bera hverja tengingu undir svartan lista yfir „óæskilega vefi“. Þær halda jafnframt skrá yfir hvað þær sjá og hvað þær gera. Netsíur eru því ekki eins og dyraverðir, netsíur eru eins og barnfóstrur sem eru alltaf að fylgjast með. Þær elta okkur í skólann, sitja með okkur í vinnunni, horfa á okkur í sturtu og skrá hjá sér ef við skiljum klósettsetuna eftir uppi. Netsíur sitja á rúmstokknum meðan við elskumst. Þær elta okkur til læknis, á Vog og til Stígamóta og halda vandlega skrá yfir hve oft við mætum á fund hjá Samtökunum 78. Ef svo ólíklega vill til að við óvart álpumst inn á súludansstað, þá er það rétt, barnfóstran getur kannski bjargað okkur frá því óláni að sjá geirvörtu. En netsían er ósköp vitlaus. Hún er vélmenni sem skilur hvorki umhverfi né aðstæður, heldur flettir öllu upp í gulu síðunum frá árinu 2008. Ef það var bakarí á staðnum hérna áður fyrr, þá bara hleypir fóstran okkur inn án athugasemda. Þið getið rétt ímyndað ykkur hvað gerist þegar súludansstaður lokar og bakari tekur við húsnæðinu. Allir sem vilja, læra fljótt að fela sig fyrir fóstrunni. Það er auðvelt. Fóstran stoppar aldrei þá sem ætla sér virkilega að komast leiðar sinnar, hún hindrar ekki glæpi, hún útrýmir ekki barnaklámi og hún mun ekki bjarga neinum spilafíklum. Fóstran þvælist bara fyrir, njósnar um saklaust fólk og sópar vandamálunum undir teppið. Nei takk, segi ég nú bara. Viltu birta grein á Vísi? Sendu okkur póst. Senda grein Mest lesið Ýmislegt um rafmagnsbíla og reiðhjól Valur Elli Valsson Skoðun Samkennd samfélags Guðrún Karls Helgudóttir Skoðun Íþróttahreyfingin og gerviverktaka Ástþór Jón Ragnheiðarson Skoðun Þeir borga sem nota! Tómas Kristjánsson Skoðun Að hjálpa fólki að standa á eigin fótum Jón Þór Kristjánsson Skoðun Óttinn við íslensku rafkrónuna Birna Guðný Björnsdóttir Skoðun Hver er ég og hvert er ég að fara? Ellý Tómasdóttir Skoðun Taugatýpísk forréttindi Mamiko Dís Ragnarsdóttir Skoðun Áskorun til Sjúkratrygginga Íslands – hugsum í lausnum Björn Bjarki Þorsteinsson Skoðun Tölum um tilfinningar Amanda Ásdís Jóhannsdóttir Skoðun Skoðun Skoðun Íþróttahreyfingin og gerviverktaka Ástþór Jón Ragnheiðarson skrifar Skoðun Tölum um tilfinningar Amanda Ásdís Jóhannsdóttir skrifar Skoðun Óttinn við íslensku rafkrónuna Birna Guðný Björnsdóttir skrifar Skoðun Áskorun til Sjúkratrygginga Íslands – hugsum í lausnum Björn Bjarki Þorsteinsson skrifar Skoðun Afnemum launamisrétti Guðmundur Ingi Guðbrandsson skrifar Skoðun Hvað hefur Ísland gert? Katla Þorvaldsdóttir skrifar Skoðun Viðhorf almennings og neytenda til sjálfbærnimála fyrirtækja og stofnana skiptir miklu máli Soffía Sigurgeirsdóttir,Trausti Haraldsson skrifar Skoðun Ýmislegt um rafmagnsbíla og reiðhjól Valur Elli Valsson skrifar Skoðun Taugatýpísk forréttindi Mamiko Dís Ragnarsdóttir skrifar Skoðun Hver er ég og hvert er ég að fara? Ellý Tómasdóttir skrifar Skoðun Þeir borga sem nota! Tómas Kristjánsson skrifar Skoðun Að hjálpa fólki að standa á eigin fótum Jón Þór Kristjánsson skrifar Skoðun Samkennd samfélags Guðrún Karls Helgudóttir skrifar Skoðun „Heimferða- og fylgdadeild“ Eiríkur Rögnvaldsson skrifar Skoðun Til varnar mennsku kúgarans Hans Alexander Margrétarson Hansen skrifar Skoðun Þegar ómennskan vitnar í lög Bubbi Morthens skrifar Skoðun Engum til sóma Sigmar Guðmundsson skrifar Skoðun Góðan daginn, ég ætla að fá … ENGLISH PLEASE! Ólafur Guðsteinn Kristjánsson skrifar Skoðun Vernd náttúrunnar er ákvörðun Eva Dögg Davíðsdóttir skrifar Skoðun Hver er okkar ábyrgð á ofbeldi meðal barna Hafdís Hrönn Hafsteinsdóttir skrifar Skoðun Er verkalýðsbarátta á Íslandi að hnigna? Sverrir Fannberg Júlíusson skrifar Skoðun Má ekkert gera fyrir millistéttina? Þorbjörg S. Gunnlaugsdóttir skrifar Skoðun Milljarðarnir óteljandi og bókun 35 Haraldur Ólafsson skrifar Skoðun Háskólinn sveik stúdenta um góðar samgöngur Guðni Thorlacius,Katla Ólafsdóttir skrifar Skoðun „Bara“ kennari Álfhildur Leifsdóttir skrifar Skoðun Þjóðin slæst við elda: Hvar er Alþingi? Baldur Borgþórsson skrifar Skoðun Yazan Tamimi – spegill á sjálfsmynd þjóðar Sema Erla Serdaroglu skrifar Skoðun Hvað er niðurskurðarstefna? Halla Gunnarsdóttir skrifar Skoðun Framtíðin liggur í bættri nýtingu auðlinda Helga Kristín Jóhannsdóttir skrifar Skoðun Öryggi sjúklinga – gerum og greinum betur Alma D. Möller skrifar Sjá meira
Enn eina ferðina eru netsíur til umræðu. Samkvæmt grein í blaðinu Grapevine eru bæði Vodafone og Síminn að undirbúa það að hindra aðgang að klám- og fjárhættuspilavefsíðum. Látið er í veðri vaka að þetta sé lítið mál og eingöngu gert til að vernda venjulega netnotendur gegn hættum frjáls upplýsingaflæðis. Mörgum finnst bara í góðu lagi að hindra aðgang að vefsíðum sem innihalda ólöglegt efni. Jafnframt blöskrar okkur ýmislegt á netinu sem er, því miður, fullkomlega löglegt í því landi þar sem það er gefið út. Því er gjarnan gripið til netsíunnar. En stöldrum aðeins við. Ef það á að taka upp allsherjar ritskoðun og eftirlit með netnotkun landsmanna, er ekki ástæða til að vega og meta kosti og galla kerfisins sem um ræðir? Þetta snýst ekki bara um glæpi og óæskilegt efni, heldur koma friðhelgi einkalífsins og málfrelsi líka við sögu. Margir ímynda sér kannski að netsíur séu eins og dyraverðir skemmtistaða, tækni sem angrar ekki gangandi vegfarendur heldur stoppar bara fólk við innganginn og biður um skilríki því til staðfestingar að allir séu komnir til vits og ára. Það er enginn vafi á því að skuggahverfi netsins veitti ekki af fleiri dyravörðum! Vandinn er að miðlægar netsíur virka alls ekki svona. Netsíur eins og Vodafone og Síminn eru að leggja til, fylgjast með allri netnotkun allra, alltaf, og bera hverja tengingu undir svartan lista yfir „óæskilega vefi“. Þær halda jafnframt skrá yfir hvað þær sjá og hvað þær gera. Netsíur eru því ekki eins og dyraverðir, netsíur eru eins og barnfóstrur sem eru alltaf að fylgjast með. Þær elta okkur í skólann, sitja með okkur í vinnunni, horfa á okkur í sturtu og skrá hjá sér ef við skiljum klósettsetuna eftir uppi. Netsíur sitja á rúmstokknum meðan við elskumst. Þær elta okkur til læknis, á Vog og til Stígamóta og halda vandlega skrá yfir hve oft við mætum á fund hjá Samtökunum 78. Ef svo ólíklega vill til að við óvart álpumst inn á súludansstað, þá er það rétt, barnfóstran getur kannski bjargað okkur frá því óláni að sjá geirvörtu. En netsían er ósköp vitlaus. Hún er vélmenni sem skilur hvorki umhverfi né aðstæður, heldur flettir öllu upp í gulu síðunum frá árinu 2008. Ef það var bakarí á staðnum hérna áður fyrr, þá bara hleypir fóstran okkur inn án athugasemda. Þið getið rétt ímyndað ykkur hvað gerist þegar súludansstaður lokar og bakari tekur við húsnæðinu. Allir sem vilja, læra fljótt að fela sig fyrir fóstrunni. Það er auðvelt. Fóstran stoppar aldrei þá sem ætla sér virkilega að komast leiðar sinnar, hún hindrar ekki glæpi, hún útrýmir ekki barnaklámi og hún mun ekki bjarga neinum spilafíklum. Fóstran þvælist bara fyrir, njósnar um saklaust fólk og sópar vandamálunum undir teppið. Nei takk, segi ég nú bara.
Skoðun Viðhorf almennings og neytenda til sjálfbærnimála fyrirtækja og stofnana skiptir miklu máli Soffía Sigurgeirsdóttir,Trausti Haraldsson skrifar