Erlent

Bandaríkjamenn fyndnastir, Þjóðverjar reka lestina

Mörgum þykir Bandaríkjamaðurinn Steve Carell afar fyndinn.
Mörgum þykir Bandaríkjamaðurinn Steve Carell afar fyndinn. Mynd/AP
Bandaríkjamenn eru fyndnasta þjóð í heimi ef marka má könnun sem gerð var á samskipta- og stefnumótavefnum www.badoo.com en Þjóðverjar voru hinsvegar kosnir minnst fyndnir allra.

Könnunin var lögð fyrir 30.000 manns frá 15 löndum. Samkvæmt niðurstöðunum trónuðu Bandaríkjamenn efstir, Spánverjar fengu annað sætið og Ítalir það þriðja.

Bretarnir stóðu Bandaríkjunum langt að baki, þrátt fyrir að státa af grínefni á borð við The Office og Monty Python, en þegar kosið var um húmorslausustu þjóðirnar tókst þeim að hreppa fjórða sætið.

Þjóðverjar voru hinsvegar óumdeildir sigurvegarar þegar kosið var um það hvaða þjóð hefði minnstu kímnigáfuna en töluverður munur var á þeim og Rússum, sem hrepptu þar annað sætið.

Þykja þessar niðurstöður staðfesta hugsanir bandaríska rithöfundarins Mark Twain þegar hann lét þau orð falla að þýskur brandari væri ekkert aðhlátursefni.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið