Erlent

Assange skilgreindur sem óvinur bandaríska ríkisins

Bandaríski herinn hefur skilgreint Julian Assange og Wikileaks sem óvini bandaríska ríkisins. Þar með hefur Assange fengið sömu stöðu í Bandaríkjunum og al kaída og Talibanar.

Þetta kemur fram í leyniskjölum frá leyniþjónustu flughersins sem nýlega voru gerð opinber í krafti upplýsingalöggjafar Bandaríkjanna.

Þetta þýðir að allt það starfslið og hermenn bandaríska hersins sem hafa samband við Assange eða Wikileaks eiga á hættu að verða kærðir fyrir samstarf við óvininn en slíkt getur haft dauðarefsingu í för með sér samkvæmt herlögum í Bandaríkjunum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×