Öruggt hjá City | Enn með fullt hús stiga

Manchester City vann öruggan sigur á Bournemouth 4-0 á heimavelli í 5. umferð ensku úrvalsdeildarinnar í fótbolta.

Manchester City hefur unnið alla fimm leika sína í deildinni til þessa og var einkar sannfærandi í dag.

Kevin De Bruyne skoraði fyrsta markið á 15. mínútu og bætti Kelechi Iheanacho öðru marki við tíu mínútum síðar og var staðan í hálfleik 2-0.

Raheem Sterling skoraði þriðja markið á þriðju mínútu seinni hálfleiks áður en Ilkay Gündogan gerði endanlega út um leikinn á 66. mínútu.