Viðskipti innlent

Viðskiptalífið hvergi talið spilltara en hér

Ekki mikil trú á viðskiptalífinu Bjarni Ármannsson, Hannes Smárason, Águst Guðmundsson, Jón Ásgeir Jóhannesson og Þórður Friðjónsson kynna íslenskt viðskiptalíf í Danmörku.
Ekki mikil trú á viðskiptalífinu Bjarni Ármannsson, Hannes Smárason, Águst Guðmundsson, Jón Ásgeir Jóhannesson og Þórður Friðjónsson kynna íslenskt viðskiptalíf í Danmörku.

Könnun Yfir helmingur Íslendinga, 53 prósent, telur spillingu hafa aukist hér á landi undanfarin þrjú ár. Þetta er niðurstaða nýrrar könnunar stofnunarinnar Transparency International, sem Capacent sá um fyrir hennar hönd í sumar. Fimm­tán prósent telja að dregið hafi úr spillingu á sama tíma.

Um þúsund manns í hverju ríki eru spurðir um spillingu í heimalandi sínu. Alls tóku 91.500 manns frá 86 ríkjum þátt að þessu sinni.Þátttakendur eru beðnir að meta hversu mikil spilling viðgengst innan ólíkra þjóðfélags­stofnana, þar sem einkunnin 1 merkir óspillta stofnun en 5 gjörspillta.

Íslenskir stjórnmálaflokkar fá einkunnina 4,3, sem er aðeins yfir meðallagi. Viðskiptalífið fær hins vegar mikla útreið og einkunnina 4. Meðaltalið er 3,4 og hvergi meta heimamenn viðskiptalífið jafnspillt nema í Senegal, sem einnig fær einkunnina fjóra.

Aðrar stofnanir koma betur út. Alþingi fær einkunnina 3,7, lögreglan 2,2, fjölmiðlar 3,5, embættis­menn 3,5, dómskerfið 2,7, almenn samtök 2,6, trúfélög 3,2 og menntakerfið 2,4. - sh



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið