Prestastefna er biskupi til ráðuneytis í kenningarlegum efnum og kölluð saman á hverju ári. Á Prestastefnunni í Vídalínskirkju 27.-29. apríl 2010 var lögð fram tillaga fjölmargra presta og guðfræðinga við lagafrumvarp dóms- og mannréttindamálaráðherra um ein hjúskaparlög á Íslandi. Tillagan var svohljóðandi: "Prestastefna haldin í Vídalínskirkju 27.-29. apríl 2010 lýsir yfir stuðningi við lagafrumvarp dóms- og mannréttindamálaráðherra um ein hjúskaparlög á Íslandi. Prestastefna telur íslensku þjóðkirkjuna í stakk búna til að stíga þetta skref með ríkisvaldinu í ljósi ítarlegrar guðfræðilegrar umfjöllunar síðustu ára á kirkjulegum vettvangi um kirkju, kynhneigð og hjónaband."

Prestastefnan samþykkti með naumum meirihluta að vísa málinu til biskups og kenningarnefndar en taka ekki efnislega afstöðu til tillögunnar í atkvæðagreiðslu. Prestastefna hafnaði ekki tillögunni og flutningsmennirnir drógu hana ekki til baka. Það er því hlutverk biskups og kenningarnefndar að taka afstöðu til frumvarpsins um ein hjúskaparlög á Íslandi á grundvelli tillagna og umræðu á Prestastefnu. Við undirrituð sem erum prestar, guðfræðingar og djáknar í íslensku Þjóðkirkjunni og kristnum fríkirkjum á Íslandi viljum árétta stuðning okkar við þetta frumvarp og ósk okkar um að íslenska þjóðkirkjan taki að sér að gefa saman pör af sama kyni í hjónaband.

Ríkisstjórn Íslands einsetti sér í stjórnmálasáttmála 10. maí 2009 að vinna að setningu einna hjúskaparlaga á kjörtímabilinu. Málið nýtur stuðnings þingmanna úr öllum flokkum og flokkar í stjórnarandstöðu hafa líka lýst stuðningi við málið í flokkssamþykktum. Það er því traustur þingmeirihluti fyrir einum hjúskaparlögum á Alþingi. Með frumvarpi dómsmálaráðherra um breytingar á hjúskaparlögum og fleiri lögum og um brottfall laga um staðfesta samvist (ein hjúskaparlög) sem lagt hefur verið fyrir Alþingi á 138. löggjafarþingi vill þingið leggja áherslu á jafnan rétt einstaklinga til að ganga í hjónaband óháð kyni eða kynhneigð og vísar til sambærilegrar einföldunar á hjúskaparlögum í Hollandi, Belgíu, Spáni, Kanada, Noregi og í Svíþjóð. Samkvæmt frumvarpinu er gert ráð fyrir því að lögin taki gildi 27. júní næstkomandi og eftir það gefist trúfélögum kostur á að vígslumenn þeirra taki að sér að gifta pör af sama kyni.

Sænska kirkjan hefur þegar samþykkt að gefa samkynhneigð pör saman í hjónaband. Við teljum mikilvægt að þjóðkirkjan fylgi því fordæmi, hafi áfram vígsluvald og stuðli þannig að áframhaldandi samfylgd kirkju og þjóðar í hjúskaparmálum. Við höfum opnað heimasíðuna www.einhjuskaparlog.is með frekari upplýsingum um þetta mikilvæga baráttumál. Við teljum að á grundvelli þeirrar vönduðu guðfræðiumræðu sem farið hefur fram á kirkjulegum vettvangi um kynhneigð og hjónaband á undanförnum fjórtán árum sé ekkert því til fyrirstöðu að vígslumönnum verði heimilað að gefa saman samkynhneigð pör í hjónaband og að þjóðkirkjan feti þannig í fótspor systurkirkna sinna.

1. Sr. Aðalsteinn Þorvaldsson, sóknarprestur Setbergsprestakalli
2. Sr. Arna Grétarsdóttir, sérþjónustuprestur, Noregi
3. Dr. Arnfríður Guðmundsdóttir, prófessor og prestur, Háskóla Íslands
4. Sr. Auður Inga Einarsdóttir, sérþjónustuprestur, heimilisprestur á Grund
5. Sr. Auður Eir Vilhjálmsdóttir, emerita, Kópavogi
6. Sr. Ágúst Einarsson, sérþjónustuprestur, Svíþjóð
7. Ármann Hákon Gunnarsson, djákni, Garðasókn
8. Sr. Ása Björk Ólafsdóttir, prestur, Reykjavík
9. Sr. Baldur Kristjánsson, sóknarprestur, Þorlákshafnarprestakalli
10. Sr. Bjarni Karlsson, sóknarprestur, Laugarnesprestakalli
11. Sr. Bragi Skúlason, sérþjónustuprestur, Landspítala- Háskólasjúkrahúsi
12. Sr. Bolli Pétur Bollason, sóknarprestur, Laufásprestakalli
13. Bryndís Valbjarnardóttir, guðfræðingur og útfararstjóri, Reykjavík
14. Sr. Carlos Ari Ferrer, prestur og kennari, Reykjavík
15. Sr. Cecil Haraldsson, sóknarprestur Seyðisfjarðarprestakalli
16. Sr. Dalla Þórðardóttir, prófastur, Húnavatns- og Skagafjarðarprófastdæmi
17. Sr. Einar Eyjólfsson, prestur Fríkirkjunnar í Hafnarfirði
18. Sr. Elína Hrund Kristjánsdóttir, sóknarprestur, Reykhólaprestakalli
19. Sr. Guðbjörg Arnardóttir, sóknarprestur, Oddaprestakalli
20. Sr. Guðmundur Örn Jónsson, prestur, Vestmannaeyjaprestakalli
21. Sr. Guðný Hallgrímsdóttir, sérþjónustuprestur, prestur fatlaðra, Reykjavík
22. Sr. Guðrún Karlsdóttir, prestur, Grafarvogsprestakalli
23. Sr. Gunnar Rúnar Matthíasson, sérþjónustuprestur, Landspítala- Háskólasjúkrahúsi
24. Gunnar Einar Steingrímsson, djákni, Grafarvogssókn
25. Gunnbjörg Óladóttir guðfræðingur og doktorsnemi, Reykjavík
26. Sr. Gylfi Jónsson, héraðsprestur Þingeyjarprófastdæmi
27. Sr. Hans Guðberg Alfreðsson, prestur, Garðaprestakalli
28. Dr. Haukur Ingi Jónasson, lektor og prestur, Háskóla Íslands
29. Sr. Hildur Eir Bolladóttir, prestur, Laugarnesprestakalli
30. Dr. Hjalti Hugason, prófessor og prestur, Guðfræðideild Háskóla Íslands
31. Sr. Hólmgrímur E. Bragason, héraðsprestur, Austfjarðaprófastdæmi
32. Hróbjartur Árnason, lektor og guðfræðingur, Háskóla Íslands
33. Sr. Ingileif Malmberg, sérþjónustuprestur Landspítala- Háskólasjúkrahúsi
34. Sr. Ingólfur Hartvigsson, sóknarprestur Kirkjubæjarprestakalli
35. Sr. Íris Kristjánsdóttir, sóknarprestur, Hjallaprestakalli
36. Jóhanna Magnúsdóttir, guðfræðingur og aðstoðarskólastjóri
37. Sr. Jón Ásgeir Sigurvinsson, guðfræðingur og doktorsnemi, Borgarnesi
38. Sr. Jón Helgi Þórarinsson, sóknarprestur, Langholtsprestakalli
39. Sr. Jóna Hrönn Bolladóttir, sóknarprestur Garðaprestakalli
40. Sr. Jóna Lovísa Jónsdóttir, skólaprestur og framkvæmdastjóri Æskulýðssambands Þjóðkirkjunnar.
41. Karítas Kristjánsdóttir, guðfræðingur, Kirkjubæjarklaustri
42. Sr. Karl Valgarður Matthíasson vímuvarnaprestur Þjóðkirkjunnar
43. Sr. Kjartan Örn Sigurbjörnsson, sérþjónustuprestur Landspítala- Háskólasjúkrahúsi
44. Sr. Kristinn Jens Sigurþórsson, sóknarprestur, Saurbæjarprestakalli
45. Kristín Sigríður Garðarsdóttir, djákni og áfengisráðgjafi, Kópavogi
46. Sr. Kristín Þórunn Tómasdóttir, héraðsprestur Kjalarnesprófastdæmi
47. Sr. Lára G. Oddsdóttir, sóknarprestur, Valþjófsstaðarprestakalli
48. Sr. Lena Rós Matthíasdóttir, prestur Grafarvogsprestakalli
49. Sr. Magnús Erlingsson, sóknarprestur, Ísafjarðarprestakalli
50. Margrét Ólöf Magnúsdóttir, djákni, Árbæjarsókn
51. Ninna Sif Svavarsdóttir guðfræðingur og doktorsnemi, Hveragerði
52. Sr. Óskar Hafsteinn Óskarsson, prestur Selfossprestakalli
53. Rósa Kristjánsdóttir, djákni Landspítala- Háskólasjúkrahúsi
54. Sr. Petrína Mjöll Jóhannesdóttir, prestur, Reykjavík
55. Sr. Pétur Þorsteinsson, prestur Óháða safnaðarins í Reykjavík
56. Sr. Sigfinnur Þorleifsson, sérþjónustuprestur Landspítala- Háskólasjúkrahúsi
57. Sr. Sigfús Kristjánsson, prestur, Hjallaprestakalli
58. Sr. Sjöfn Mueller Thor, sóknarprestur Reykhólaprestakalli
59. Dr. Sigríður Guðmarsdóttir, sóknarprestur, Grafarholtsprestakalli
60. Sr. Sigríður Gunnarsdóttir, sóknarprestur, Sauðárkróksprestakalli
61. Sr. Sigríður Kristín Helgadóttir, prestur Fríkirkjunnar í Hafnarfirði
62. Sr. Sigríður Óladóttir, sóknarprestur Hólmavíkurprestakalli
63. Sr. Sigrún Óskarsdóttir, prestur, Árbæjarprestakalli
64. Sr. Sigurður Grétar Helgason, sóknarprestur Seltjarnarnesprestakalli
65. Dr. Sigurður Árni Þórðarson, prestur Nesprestakalli
66. Sr. Skúli Sigurður Ólafsson, sóknarprestur, Keflavíkurprestakalli
67. Sr. Solveig Lára Guðmundsdóttir, sóknarprestur, Möðruvallaprestakalli
68. Dr. Sólveig Anna Bóasdóttir, dósent og guðfræðingur, Háskóla Íslands
69. Svala Sigríður Thomsen,djákni á Grund
70. Sr. Svanhildur Blöndal, prestur í Hrafnistu í Reykjavík og á Vífilsstöðum
71. Sveinbjörg Pálsdóttir, guðfræðingur og stjórnsýsluráðgjafi, Reykjavík
72. Sr. Svavar Alfreð Jónsson, sóknarprestur, Akureyrarprestakalli
73. Sr. Toshiki Toma, sérþjónustuprestur, prestur innflytjenda
74. Sr. Ursula Árnadóttir, sóknarprestur, Skagastrandarprestakalli
75. Valgerður Hjartardóttir, djákni, hjúkrunar- og ráðgjafarþjónustunni Karítas
76. Sr. Vigfús Bjarni Albertsson, sérþjónustuprestur Landspítala- Háskólasjúkrahúsi
77. Sr. Vigfús Þór Árnason, sóknarprestur, Grafarvogsprestakalli
78. Sr. Yrsa Þórðardóttir, prestur, Digranesprestakalli
79. Sr. Þór Hauksson, sóknarprestur, Árbæjarprestakalli
80. Sr. Þórhallur Heimisson, sóknarprestur, Hafnarfjarðarprestakalli
81. Sr. Þórir Stephensen, fyrrverandi dómkirkjuprestur
82. Sr. Örn Bárður Jónsson, sóknarprestur, Nesprestakalli