Óttast að dóphagnaður fari í fyrirtækjakaup

Greiningardeild Ríkislögreglustjóra telur að hagnaði af fíkniefnaviðskiptum verði í auknum mæli varið til fjárfestinga þar sem verð á fasteignum, fyrirtækjum og ýmsum lausamunum hafi fallið mikið eftir bankahrunið.

Slíkar fjárfestingar, einkum kaup á fyrirtækjum, geta gert einstaklingum og glæpahópum fært að fela starfsemi sína á bakvið lögmætan atvinnurekstur sem aftur eykur möguleika þeirra til að mynda á sviði fíkniefnainnflutnings og peningaþvættis. Þetta er meðal þess kemur fram í nýrri matsskýrslu embættisins um skipulagða glæpastarfsemi og hættu á hryðjuverkum.

Greiningardeildin segir að óvissa á vettvangi gjaldeyrismála valdi því að erfitt sé að segja fyrir um líklega framtíðarþróun. „Þótt gjaldeyrishöft séu í gildi eru upplýsingar greiningardeildar á þann veg að innflytjendur fíkniefna eigi ekki í teljandi erfiðleikum með að komast yfir erlendan gjaldeyri."

Skýrsluna er hægt að lesa hér.