Titanic sýnd í þrívídd

Leikstjórinn James Cameron ætlar að endursýna stórmynd sína Titanic á hvíta tjaldinu í þrívídd. Stefnt er á sýningar eftir tvö ár þegar hundrað ár verða liðin síðan skipið sökk.

Titanic kom út árið 1997 við gríðarlegar vinsældir og sópaði til sín Óskarsverðlaunum. Greinilegt er að vinsældir þrívíddarmyndar Camerons, Avatar, hafa komið þessari hugmynd af stað en Titanic verður einmitt endursýnd í sumar með atriðum sem komust ekki fyrir í upphaflegu útgáfunni.