Keppt í hönnun hjúkrunarheimilis í Fjarðabyggð

Boðað hefur verið til opinnar samkeppni um hönnun á nýju hjúkrunarheimili sem byggt verður á Eskifirði í Fjarðabyggð.

Þetta mun vera fyrsta heimili aldraðra sem verður hannað og skipulagt frá grunni samkvæmt viðmiðum sem félags- og tryggingamálaráðuneytisið hefur sett um skipulag hjúkrunarheimila.

Í tilkynningu frá félags- og tryggingamálaráðuneytinu segir að áætluð stærð byggingarinnar sé 1500 fermetrar að hámarki. Gert er ráð fyrir að hönnun hússins verði lokið vorið 2011 og að framkvæmdir hefjist þá um sumarið.