Innlent

Grolsch-léttölið ekki til úti í búð

Egils auglýsir Grolsch sem léttöl. Sú gerð af ölinu er þó ekki til sem stendur í helstu verslunum landsins.fréttablaðið/ap
Egils auglýsir Grolsch sem léttöl. Sú gerð af ölinu er þó ekki til sem stendur í helstu verslunum landsins.fréttablaðið/ap

Grolsch-léttöl fæst ekki í neinni af helstu matvöru­verslunum landsins í dag, þrátt fyrir að auglýsingar frá Öl­gerðinni um léttölið hafi sést undanfarið. Samkvæmt áfengislögum eru hvers konar auglýsingar á áfengi bannaðar.

Guðmundur B. Sigurgeirsson, framkvæmdastjóri markaðssviðs Ölgerðarinnar, segir að léttölið eigi að vera til í búðunum en það gæti verið uppselt.

„Ég get ekki sagt til um hvernig dreifing vörunnar er. Grolsch-léttöl hefur ekki verið til í mjög langan tíma og síðan bjuggum við til léttöl og eigum von á meiru,“ segir Guðmundur sem telur þetta ekki brot á áfengislögum þar sem varan sé til. Hins vegar sé hún ekki í almennri dreifingu og því ekki til í verslunum eins og Bónus og Krónunni. - vsp



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×