Gjaldeyrishöftin gjörsamlega vonlaus

Gunnar Örn Jónsson skrifar 2. júlí 2009 16:04

Vilhjálmur Egilsson, framkvæmdastjóri Samtaka atvinnulífsins, hefði viljað sjá Seðlabankann tilkynna um lækkun á stýrivöxtum sínum fyrr í dag en háir vextir og gjaldeyrishöft eiga að vinna gegn veikingu krónunnar.

„Gjaldeyrishöft eiga að vinna gegn veikingu krónunnar en það virkar ekkert frekar en að verðlagshöft virka til að halda niðri verðbólgu þannig að þetta er bara falleinkunn þeirra yfir sjálfum sér. Gjaldeyrishöft hafa hvergi virkað til að styðja við gengi gjaldmiðla, þeir vita það og það vita allir en samt komast þeir ekki út úr þeirri hugsun." Þetta sagði Vilhjálmur Egilsson í viðtali við Vísi um þá ákvörðun peningastefnunefndar Seðlabankans að halda stýrivöxtum óbreyttum.

Ennfremur segir Vilhjálmur að ef engum gjaldeyrishöftum hefði verið komið á fót á sínum tíma væri gengi krónunnar mun hærra en það er í dag.

„Það hefði verið hægt að koma í veg fyrir svona dýfu með því að erlendir krónubréfaeigendur hefðu tekið við greiðslum fyrir kröfum sínum með skuldabréfum í evrum til langs tíma. Auk þess þyrftum við að vera með banka sem hafa aðgang að erlendu lánsfé sem ekki er til staðar í dag þannig að gjaldeyrishöftin eru gjörsamlega gagnslaus," sagði Vilhjálmur.

Og Vihjálmur heldur áfram:

„Samkvæmt stöðugleikasáttmálanum eiga vextirnir að vera komnir niður fyrir tveggja stafa tölu en við núverandi aðstæður safna bankarnir upp í enn frekari afskriftarhauga þar sem fyrirtækin standa ekki undir þeim vaxtakostnaði sem þau búa við".

Hann segist hafa talað lengi um það að vextirnir gætu alveg verið í einnrar stafa tölu og telur engar forsendur fyrir því að vextir hér séu hærri en í öðrum Evrópulöndum.

Tengdar fréttir

Ákvörðun peningastefnunefndar mikil vonbrigði

Jóhanna Sigurðardóttir, forsætisráðherra, segir ákvörðun peningastefnunefndar Seðlabankans að halda stýrivöxtum óbreyttum í 12%, og greint var frá í dag, vera mikil vonbrigði. Þetta kom fram í umræðum á Alþingi í morgun.

2. júlí 2009 10:34

Stýrivextir hættir að stýra

Pétur Blöndal, þingmaður Sjálfstæðisflokksins, telur að stýrivextirnir séu hættir að stýra efnhagslífinu vegna mikils peningaframboðs í bönkunum. „Vextirnir eru hættir að hafa áhrif á millibankamarkaði þar sem þeir fjárfestar sem eiga jöklabréf eru hættir að fá stýrivextina og þar af leiðandi hafa þeir ekki áhrif á gengi krónunnar.“

2. júlí 2009 10:37

Stýrivextir óbreyttir í 12%

Peningastefnunefnd Seðlabankans hefur ákveðið að halda stýrivöxtum bankans óbreyttum í 12%.

2. júlí 2009 09:01

Gengi krónunnar réð ákvörðun um stýrivexti

„Bakgrunnur ákvörðunarinnar er að gengi krónunnar hefur verið umtalsvert lægra en nefndin taldi viðunandi í mars, eins og fram kom í fundargerð þá. Verðbólga og verðbólguvæntingar hafa einnig aukist. Framboð lausafjár á peningamarkaði hefur aukist undanfarna mánuði og hafa markaðsvextir verið lægri en stýrivextir.“

2. júlí 2009 11:15

AGS: Stýrivextir eiga að vera óbreyttir

Seðlabankinn ætti að hafa stuðning við krónuna að leiðarljósi þegar kemur að stýrivaxtaákvörðun klukkan níu í dag. Þetta segir Franek Rozwadowski talsmaður Alþjóðagjaldeyrissjóðsins á Íslandi í viðtali við Bloomberg fréttaveituna. Hann segir að tilmæli sjóðsins séu þau að nota eigi gengi krónunnar til þess að halda verðbólgunni niðri. Þetta túlkar Bloomberg á þann veg að stýrivextir eigi að vera óbreyttir að mati AGS.

2. júlí 2009 08:13

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir