Finnur með tvær milljónir á mánuði

Stjórn Nýja Kaupþings hefur ráðið Finn Sveinbjörnsson sem bankastjóra. Finnur tekur við af Hreiðari Má Sigurðssyni á morgun, þó aðeins með brot af launum forvera síns eða 1950 þúsund á mánuði.

Finnur gegndi starfi formanns skilanefndar Kaupþings hf. eftir að Fjármálaeftirlitið tók yfir stjórn hans þann 8. október. Þar með hafa verið ráðnir bankastjórar í alla þrjá bankana sem ríkið tók yfir. Birna Einarsdóttir var ráðin bankastjóri Nýja Glitnis og Elín Sigfúsdóttir var ráðin yfir Landsbankann.

Glitnir hefur sagt upp 350 manns frá því í sumar og Landsbankinn yfir 300. Má því fastlega búast við því að Búast má við að Kaupþing segir upp að minnsta kosti svipuðum fjölda starfsmanna enda stærsti banki landsins. Finnur getur ekki lofað því að starfsmönnum sem sagt verður upp störfum fái þriggja mánaða uppsagnarfrest borgaðan.

Aðspurður segist Finnur vera mað 1950 þúsund krónur í laun á mánuði.

Bankarnir hafa varið hundruð milljóna króna í ímyndarmál en óhætt er að segja að sú ímynd sem og íslensks atvinnulífs alls, hafi hrunið og það hratt á undanförnum mánuðum. Finnur gerir ráð fyrir að nafni bankans og jafnvel hinna verði breytt.

Finnur segir að Bretar hafi farið illa með Kaupþing, fyrirtækið sé í sárum og nú þurfi að vinna ötullega að því að bæta orðstír og ímynd fyrirtækisins. Þá útilokar Finnur ekki að Kaupþing sameinist öðrum bönkum, hvaða bönkum vill hann ekki segja til.