Mikki Mús á að tortímast

Mikki Mús er einn af hermönnum satans og það ber að tortíma honum. Þetta fullyrðir sádiarabíski múslimaklerkurinn Muhammad Munajid sem er fyrrum sendierindreki við sendiráð Sádi-Arabíu í Washington.

Hann segir enn fremur að sharia-lögmál Kóransins bannfæri mýs með öllu, hvort sem er í teiknimyndum eða á heimilum. Þær verði því einfaldlega að deyja. Sjálfur djöfullinn stjórnaði músum heimsins og það væri skaðlegt ef börn færu að líta á mýs sem eðlileg eða jákvæð fyrirbæri.