Innlent

37 ára karl kærður fyrir að nauðga 13 ára stúlku

Andri Ólafsson skrifar

37 ára gamall karlmaður frá Eyrarbakka var handtekinn um helgina vegna gruns um að hann hafi notfært sér ölvunarástand 13 ára gamallar stúlku og haft við hana samræði.

Maðurinn bauð stúlkunni og vinkonum hennar í samkvæmi á heimili sínu. Í samkvæminu var áfengi haft um hönd og fór maðurinn meðal annars í heitan pott ásamt stúlkunni og vinkonum hennar.

Í samtali við Vísi viðurkenndi maðurinn að hafa haft samræði við stúlkuna en það hafi verið með hennar samþykki. Hann þvertekur fyrir að hafa vitað að hún væri undir lögaldri.

Stúlkan gisti hjá manninum um nóttina en fór heim til sín þegar hún vaknaði.

Nóttina á eftir kom lögregla hins vegar á heimili mannsins og handtók hann. Móðir stúlkunar hafði þá kært hann til lögreglu.

Maðurinn var í haldi lögreglu fram á morgun. Hann var yfirheyrður en látinn laus að því loknu.

Vinur mannsins, sem einnig var staddur í umræddu samkvæmi, hefur líka verið yfirheyrður vegna málsins.

Ólafur Helgi Kjartansson sýslumaður á Selfossi staðfestir að málið sé til rannsóknar. Hann vildi ekkert tjá sig um efnisatriði þess þar sem það væri á viðkvæmu stigi.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið