Viðskipti erlent

Olíuverðið fýkur upp í fellibylnum

Fellibylurinn Gústav þegar hann lá yfir Jamaíka í gær.
Fellibylurinn Gústav þegar hann lá yfir Jamaíka í gær. Mynd/AFP

Heimsmarkaðsverð á hráolíu fauk upp um 1,6 prósent í dag og stendur nú í tæpum 118 dölum á tunnu. Veðurofsi af völdum fellibylsins Gústavs við Mexíkóflóa er um að kenna en starfsfólk olíuvinnslufyrirtækja við flóann er að yfirgefa svæðið.

Veðurfræðingar spá því að veðurhamurinn verði álíka mikill og þegar fellibylurinn Katrina fór yfir Mexíkóflóa fyrir þremur árum.

Olíufélögin Shell og ConocoPhillips hafa þegar flutt starfsmenn sína á brott. Að sama skapi hefur verulega hægt á olíuframleiðslu við flóann.

Mikið liggur undir olíuframleiðslu á svæðinu en um fjórðungur af allri olíu í Bandaríkjunum kemur úr Mexíkóflóa. Því getur minnsta skerðing hækkaði verðið á olíudropanum.





Erlent Fréttir Viðskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið