MÁNUDAGUR 5. DESEMBER NÝJAST 07:00

Pirraður Pep loksins að glíma við mótlæti

SPORT

Ísland í þriðja skiptið í undanúrslit á stórmóti

 
Handbolti
08:23 20. ÁGÚST 2008
Ólafur Stefánsson í leiknum gegn Pólverjum í morgun.
Ólafur Stefánsson í leiknum gegn Pólverjum í morgun. MYND/VILHELM

Ísland tryggði sér í morgun sæti í undanúrslitum á stórmóti í handbolta í þriðja skiptið í sögunni - og í annað skiptið á Ólympíuleikum. Ísland lagði Pólland í fjórðungsúrslitum í morgun, 32-30.

Í bæði skiptin hefur Ísland tapað sínum viðureignum í undanúrslitum sem og leiknum um þriðja sætið. Ísland hefur því aldrei unnið til verðlauna á stórmóti í handbolta.

Árið 1992 komst Ísland í undanúrslit á Ólympíuleikunum í Barcelona og mætti þar Samveldinu, fyrrum Sovétríkjunum. Samveldið vann, 23-19, og urðu síðar Ólympíumeistarar eftir sigur á Svíum í úrslitaleik.

Tíu árum síðar, 2002, mætti Ísland Svíum í undanúrslitum á EM í Svíþjóð. Heimamenn rústuðu íslenska landsliðið, 33-22, og unnu svo Þjóðverja í úrslitum á umdeildu marki.

Bæði liðin sem Ísland hefur mætt í undanúrslitum stórmóta hafa því orðið meistarar í kjölfarið.

Þess má reyndar geta að Ísland vann fræga B-heimsmeistarakeppni í handbolta árið 1989 eftir sigur á Pólverjum í úrslitum, 29-26.

Það er einnig athyglisverð staðreynd að tvívegis hafa verið gerðar miklar væntingar til íslenska landsliðsins fyrir Ólympíuleika. Annars vegar 1988 í Suður-Kóreu og hins vegar 2004 í Grikklandi.

Bæði skiptið náði íslenska landsliðið ekki að standa undir þeim væntingum en á næstu leikum á eftir (1992 og 2008) komst liðið í undanúrslit.

Þar sannast hið forkveðna - íslensk lið standa sig best þegar fæstir eiga von á því.



Deila
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

 

MEST LESIÐ

  • Nýjast á Vísi
  • Mest Lesið
  • Fréttir
  • Sport
  • Viðskipti
  • Lífið
Forsíða / Sport / Handbolti / Ísland í þriðja skiptið í undanúrslit á stórmóti
Fara efst