Ari Eldjárn og Björn Bragi spenntir fyrir tveggja manna sýningu Guðrún Jóna Stefánsdóttir skrifar 22. september 2016 12:00 „Þetta er eitthvað sem okkur hefur langað að gera í svolítinn tíma,“ segir Björn Bragi Arnarsson uppistandari en þeir Ari Eldjárn munu ferðast um landið næstu tvo mánuði með nýja uppistandssýningu. Strákarnir eru báðir hluti af stærri hópi sem kallar sig Mið-Ísland en þeir hafa slegið í gegn síðastliðin ár. Hver ætli sé ástæðan fyrir því að þeir eru aðeins tveir að leggja land undir fót? „Við höfum báðir uppistand að atvinnu og erum yfirleitt að mæta og taka 15-20 mínútur hverju sinni þegar við erum að skemmta á hvers kyns viðburðum. Þess á milli erum við að sýna með bræðrum okkar úr Mið-Íslandi, sem ég held að sé óhætt að segja að sé það skemmtilegasta sem við gerum. Okkur langaði hins vegar að prófa að gera tveggja manna sýningu, þar sem mæðir meira á hvorum okkar og við tökum í raun hvor sinn hálfleikinn af uppistandi,“ segir Björn Bragi.Þeir félagar vinna vel saman að hans sögn. „Við Ari erum auðvitað nánir vinir og vinnum auk þess frábærlega saman. Við gerum mikið af því að semja grín saman og erum spenntir fyrir því að prófa að taka svona tveggja manna sýningu,“ segir Björn Bragi. Grínhópurinn Mið-Ísland er þó hvergi nærri hættur. Þvert á móti verður hópurinn með sýningu í Hofi á Akureyri 30. september og tilraunasýningu í Þjóðleikhúskjallaranum í byrjun október, þar sem strákarnir prófa nýtt efni fyrir komandi vetur. Sýning þeirra Björns Braga og Ara hefur fengið heitið Á tæpasta vaði og er um að ræða tæplega tveggja tíma sýningu með hléi. „Við verðum með fullt af nýju efni í bland við eitthvað eldra sem við höfum ekki flutt áður á þeim stöðum sem við ætlum að sýna á,“ segir Björn Bragi. Áætlað er að fara af stað í byrjun október og mun fyrsti áfangastaðurinn vera Þorlákshöfn.„Það er alltaf sérstök stemning þegar við förum út fyrir borgarmörkin og höldum sýningar. Við hlökkum mikið til,“ segir Björn Bragi. Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið „Ef ég gæti hnoðað einn úr tíu bestu væri það himnaríki á jörð“ Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Ísrael skyndilega talið líklegt til að vinna Eurovision Lífið „Sögulegir skór“ Mari Järsk á uppboði Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Þetta er eitthvað sem okkur hefur langað að gera í svolítinn tíma,“ segir Björn Bragi Arnarsson uppistandari en þeir Ari Eldjárn munu ferðast um landið næstu tvo mánuði með nýja uppistandssýningu. Strákarnir eru báðir hluti af stærri hópi sem kallar sig Mið-Ísland en þeir hafa slegið í gegn síðastliðin ár. Hver ætli sé ástæðan fyrir því að þeir eru aðeins tveir að leggja land undir fót? „Við höfum báðir uppistand að atvinnu og erum yfirleitt að mæta og taka 15-20 mínútur hverju sinni þegar við erum að skemmta á hvers kyns viðburðum. Þess á milli erum við að sýna með bræðrum okkar úr Mið-Íslandi, sem ég held að sé óhætt að segja að sé það skemmtilegasta sem við gerum. Okkur langaði hins vegar að prófa að gera tveggja manna sýningu, þar sem mæðir meira á hvorum okkar og við tökum í raun hvor sinn hálfleikinn af uppistandi,“ segir Björn Bragi.Þeir félagar vinna vel saman að hans sögn. „Við Ari erum auðvitað nánir vinir og vinnum auk þess frábærlega saman. Við gerum mikið af því að semja grín saman og erum spenntir fyrir því að prófa að taka svona tveggja manna sýningu,“ segir Björn Bragi. Grínhópurinn Mið-Ísland er þó hvergi nærri hættur. Þvert á móti verður hópurinn með sýningu í Hofi á Akureyri 30. september og tilraunasýningu í Þjóðleikhúskjallaranum í byrjun október, þar sem strákarnir prófa nýtt efni fyrir komandi vetur. Sýning þeirra Björns Braga og Ara hefur fengið heitið Á tæpasta vaði og er um að ræða tæplega tveggja tíma sýningu með hléi. „Við verðum með fullt af nýju efni í bland við eitthvað eldra sem við höfum ekki flutt áður á þeim stöðum sem við ætlum að sýna á,“ segir Björn Bragi. Áætlað er að fara af stað í byrjun október og mun fyrsti áfangastaðurinn vera Þorlákshöfn.„Það er alltaf sérstök stemning þegar við förum út fyrir borgarmörkin og höldum sýningar. Við hlökkum mikið til,“ segir Björn Bragi.
Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið „Ef ég gæti hnoðað einn úr tíu bestu væri það himnaríki á jörð“ Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Ísrael skyndilega talið líklegt til að vinna Eurovision Lífið „Sögulegir skór“ Mari Järsk á uppboði Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira