Annþór og Börkur mæta örlögum sínum á Selfossi

Kolbeinn Tumi Daðason skrifar 23. mars 2016 10:22

Annþór og Börkur lýsa yfir sakleysi sínu í málinu.

Tæpar átta vikur eru liðnar frá því að mál ríkissaksóknara á hendur Annþóri Kristjáni Karlssyni Berki Birgissyni var dómtekið í Héraðsdómi Suðurlands á Selfossi. Málið er afar umfangsmikið og á sér langa sögu. Tæp fjögur ár eru liðin síðan Sigurður Hólm Sigurðsson fannst látinn í klefa sínum á Litla-Hrauni, í maí 2012. Eru þeir Annþór og Börkur grunaðir um líkamsárás sem leiddi til dauða Sigurðar Hólm.

Allajafna taka dómarar í héraði sér að hámarki fjórar vikur til að kveða upp dóm sinn en sá tími er tvöfalt lengri nú. Dómurinn verður kveðinn upp á Selfossi klukkan 15 í dag og erfitt að spá fyrir um niðurstöðuna sem getur verið allt frá sýknu yfir í tólf ára fangelsi sem er sá fangelsisdómur sem Helgi Magnús Gunnarsson vararíkissaksóknara fer fram á yfir mönnunum tveimur.

Sjá einnig: Ítarleg fréttaskýring um mál Annþórs og Barkar

Annþór og Börkur afplána nú sjö og sex ára fangelsisdóma sem féllu haustið 2013 fyrir grófa líkamsárás í janúar 2012. Þeir eiga að baki langan brotaferil og hefur Annþór meðal annars gengið undir viðurnefninu Handrukkari Íslands.

Dómur í máli Annþórs og Barkar verður kveðinn upp klukkan 15 og mun Vísir greina frá dómnum um leið og hann liggur fyrir.

Mál Annþórs og Barkar Dómsmál Fangelsismál

Tengdar fréttir

Hafið yfir skynsamlegan vafa að Annþór og Börkur hafi valdið dauða Sigurðar Hólm?

Rúmar fjórar vikur eru nú síðan mál ákæruvaldsins gegn þeim Annþóri Kristjáni Karlssyni og Berki Birgissyni var dómtekið í Héraðsdómi Suðurlands.

3. mars 2016 09:00

Segist ekki geta breytt því sem pabbi hennar hefur gert

Dóttir íslensks síbrotamanns segist hafa þurft að líða fyrir að vera dóttir föður síns frá unga aldri. Hún telur sig hafa orðið fyrir aðkasti og fordómum, meðal annars frá lögreglu.

22. mars 2016 19:30

Gerðu nákvæma eftirlíkingu af klefa Sigurðar á Litla-Hrauni

"Við skoðuðum allt sem hugsanlega hefði verið hægt að ganga á, eða reka sig í, eða detta ofan á,“ segir Þóra Steinunn Steffensen, dómskvaddur matsmaður í máli Annþórs Karlssonar og Barkar Birgissonar.

29. janúar 2016 15:05

Niðurstaða rannsóknar á upptökunni: Annþór og Börkur sýndu ógnandi burði gagnvart Sigurði

Hart var deilt um skýrslu íslenskra matsmanna í dómssal í morgun og erlendur sérfræðingur kallaður til að segja sína skoðun á málinu.

29. janúar 2016 12:48

Yfirmatsmaður í máli Annþórs og Barkar: Lík fær ekki mar

Yfirmatsmanni greinir á um hvernig þeir áverkar sem drógu Sigurð Hólm Sigurðsson til dauða eru tilkomnir.

29. janúar 2016 16:20

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.