Andlát fórnarlambs flækir réttarhaldið 25. janúar 2012 06:00 Vill ekki þekkjast "Má ég ekki bara hringja og biðja einhvern að fara í Leikbæ að kaupa grímu?“ spurði einn þremenninganna verjanda sinn, mjög ósáttur við að þurfa að hylja andlit sitt fyrir ljósmyndurum. Hér sést hann á milli bræðranna Stefáns og Páls Kristjánssona, sem sjá um málsvörn tveggja sakborninga. Hann faldi sig á bak við bréflega staðfestingu frá Europol á andláti fórnarlambsins í málinu.Fréttablaðið/gva Þrír menn neituðu því staðfastlega fyrir dómi í gær að hafa ráðist með hrottalegum hætti á grískan ferðamann í Bankastræti fyrir nærri tveimur árum. Frásagnir þeirra af atburðum næturinnar stangast hins vegar á í veigamiklum atriðum. Málið er æði óhefðbundið fyrir þær sakir að fórnarlambið, rúmlega þrítugur Grikki, lést 14. desember síðastliðinn, rúmu hálfu öðru ári eftir árásina. Fram kom í máli saksóknarans Kolbrúnar Benediktsdóttur fyrir dómi í gær að ekkert væri vitað um andlát hans annað en að ítölsk yfirvöld hefðu það nú til rannsóknar. Mennirnir sem ákærðir eru fyrir árásina eru fæddir árin 1978, 1979 og 1985. Framburður þeirra var ekki á einn veg, en þó voru þeir allir sammála um að þeir hefðu setið að sumbli á hóteli við Þingholtsstræti um nóttina, verið sóttir þangað á bíl og fengið far með honum örfáa metra niður að Bankastræti áður en þeir stigu út úr honum á nýjan leik. Annað var nokkuð á reiki. Einn sagðist ekki hafa orðið var við neitt, enda hefðu verið læti í miðbænum venju samkvæmt, og aftók með öllu að hafa tekið þátt í nokkrum barsmíðum. Annar sagðist aðallega hafa einbeitt sér að því finna stelpu til að taka með sér heim og ekki tekið eftir neinum útlendingi. Hvorugur gat gefið nokkra útskýringu á því hvers vegna þeir þustu út úr bílnum aftur eftir nokkurra metra rúnt. Sá þriðji sagði hins vegar að hann og annar hinna fyrrnefndu hefðu vissulega lent í lítilsháttar stympingum við erlendan mann eftir að hafa reynt að þröngva upp á hann áfengissopa. Því hefði lokið þegar útlendingurinn féll í götuna og fékk skurð á hnakkann. Þeir hefðu þá stigið upp í bílinn og yfirgefið hann aftur eftir að sá erlendi sparkaði í áttina að honum, en þó bara til að spjalla við nærstadda. Hann kvaðst ekkert vita um alvarlega líkamsárás. Auk þess að vera í innbyrðis ósamræmi ganga þessar lýsingar í berhögg við það sem fram kom í máli mannanna fyrst eftir handtöku, þegar þeir virtust kannast öllu betur við að einhver hefði mátt þola alvarlegar barsmíðar, og ekki síst við vitnaskýrslur. Vitni hafa nefnilega flest borið um að menn sem svara býsna nákvæmlega til lýsinga á sakborningunum þremur hafi stigið út úr bílnum, gengið í skrokk á Grikkjanum og meðal annars sparkað ítrekað í höfuð hans. Fyrir dómi hafði minni vitnanna þó daprast verulega frá því í lögregluskýrslum – en það þarf þó ekki að vera óeðlilegt, enda bráðum tvö ár frá því að árásin var framin í maí 2010. Saksóknarinn fór fram á það að fá að taka símaskýrslu af móður ferðamannsins, úr því að hann væri sjálfur fallinn frá, til að hún gæti borið um andlegt ástand hans eftir árásina. Verjendur mótmæltu þessu harðlega, enda gæti hún ekki með nokkru móti tjáð sig um sakarefnið eins og er hlutverk vitna. Brotaþolinn látni hafði gert 1.226 þúsunda króna miskabótakröfu á hendur sakborningunum og verður þeirri kröfu haldið á lofti í einkamáli. Aðalmeðferðinni verður fram haldið á morgun, og þá tekin fyrir framhaldsákæra á hendur einum þremenninganna og öðrum manni vegna minniháttar líkamsárásar. stigur@frettabladid.is Fréttir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Myndband af þjófunum í Hamraborg í fréttum Stöðvar 2 Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Ákærður fyrir að nota slagorð SS-sveitanna á fjöldafundi Erlent Tvö flutt á slysadeild eftir bílveltu Innlent Forsetaframbjóðendur í Pallborðinu klukkan 13 á morgun Innlent Ritskoðun bjóra: „Þetta er gert fyrir börnin“ Innlent Útsendarar Rússa sakaðir um skipulagningu árása í Þýskalandi Erlent Fleiri fréttir Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Sjá meira
Þrír menn neituðu því staðfastlega fyrir dómi í gær að hafa ráðist með hrottalegum hætti á grískan ferðamann í Bankastræti fyrir nærri tveimur árum. Frásagnir þeirra af atburðum næturinnar stangast hins vegar á í veigamiklum atriðum. Málið er æði óhefðbundið fyrir þær sakir að fórnarlambið, rúmlega þrítugur Grikki, lést 14. desember síðastliðinn, rúmu hálfu öðru ári eftir árásina. Fram kom í máli saksóknarans Kolbrúnar Benediktsdóttur fyrir dómi í gær að ekkert væri vitað um andlát hans annað en að ítölsk yfirvöld hefðu það nú til rannsóknar. Mennirnir sem ákærðir eru fyrir árásina eru fæddir árin 1978, 1979 og 1985. Framburður þeirra var ekki á einn veg, en þó voru þeir allir sammála um að þeir hefðu setið að sumbli á hóteli við Þingholtsstræti um nóttina, verið sóttir þangað á bíl og fengið far með honum örfáa metra niður að Bankastræti áður en þeir stigu út úr honum á nýjan leik. Annað var nokkuð á reiki. Einn sagðist ekki hafa orðið var við neitt, enda hefðu verið læti í miðbænum venju samkvæmt, og aftók með öllu að hafa tekið þátt í nokkrum barsmíðum. Annar sagðist aðallega hafa einbeitt sér að því finna stelpu til að taka með sér heim og ekki tekið eftir neinum útlendingi. Hvorugur gat gefið nokkra útskýringu á því hvers vegna þeir þustu út úr bílnum aftur eftir nokkurra metra rúnt. Sá þriðji sagði hins vegar að hann og annar hinna fyrrnefndu hefðu vissulega lent í lítilsháttar stympingum við erlendan mann eftir að hafa reynt að þröngva upp á hann áfengissopa. Því hefði lokið þegar útlendingurinn féll í götuna og fékk skurð á hnakkann. Þeir hefðu þá stigið upp í bílinn og yfirgefið hann aftur eftir að sá erlendi sparkaði í áttina að honum, en þó bara til að spjalla við nærstadda. Hann kvaðst ekkert vita um alvarlega líkamsárás. Auk þess að vera í innbyrðis ósamræmi ganga þessar lýsingar í berhögg við það sem fram kom í máli mannanna fyrst eftir handtöku, þegar þeir virtust kannast öllu betur við að einhver hefði mátt þola alvarlegar barsmíðar, og ekki síst við vitnaskýrslur. Vitni hafa nefnilega flest borið um að menn sem svara býsna nákvæmlega til lýsinga á sakborningunum þremur hafi stigið út úr bílnum, gengið í skrokk á Grikkjanum og meðal annars sparkað ítrekað í höfuð hans. Fyrir dómi hafði minni vitnanna þó daprast verulega frá því í lögregluskýrslum – en það þarf þó ekki að vera óeðlilegt, enda bráðum tvö ár frá því að árásin var framin í maí 2010. Saksóknarinn fór fram á það að fá að taka símaskýrslu af móður ferðamannsins, úr því að hann væri sjálfur fallinn frá, til að hún gæti borið um andlegt ástand hans eftir árásina. Verjendur mótmæltu þessu harðlega, enda gæti hún ekki með nokkru móti tjáð sig um sakarefnið eins og er hlutverk vitna. Brotaþolinn látni hafði gert 1.226 þúsunda króna miskabótakröfu á hendur sakborningunum og verður þeirri kröfu haldið á lofti í einkamáli. Aðalmeðferðinni verður fram haldið á morgun, og þá tekin fyrir framhaldsákæra á hendur einum þremenninganna og öðrum manni vegna minniháttar líkamsárásar. stigur@frettabladid.is
Fréttir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Halda andlitinu í skólanum en hrynja niður heima Innlent Katrín leiðir og hefur tölfræðilega marktækt forskot á Baldur Innlent Myndband af þjófunum í Hamraborg í fréttum Stöðvar 2 Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Ákærður fyrir að nota slagorð SS-sveitanna á fjöldafundi Erlent Tvö flutt á slysadeild eftir bílveltu Innlent Forsetaframbjóðendur í Pallborðinu klukkan 13 á morgun Innlent Ritskoðun bjóra: „Þetta er gert fyrir börnin“ Innlent Útsendarar Rússa sakaðir um skipulagningu árása í Þýskalandi Erlent Fleiri fréttir Kíghósti hefur náð útbreiðslu á höfuðborgarsvæðinu Myndband af þjófunum í Hamraborg í fréttum Stöðvar 2 Bein útsending: Hvernig er best að reka heilbrigðisþjónustu? Helga gert að rannsaka slysasleppingarnar Kjarnorkuknúinn kafbátur í stuttri heimsókn Halda andlitinu í skólanum en hrynja niður heima „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Sjá meira