Alþingi afneiti krónunni

„Ég tel að einn þjóð geti varla afneitað eigin gjaldeyri meira en svo að neita að taka við honum fyrir eigin útflutning," segir Vilhjálmur Egilsson framkvæmdastjóri Samtaka atvinnulífins um frumvarp ríkisstjórnarinnar.

Samkvæmt frumvarpinu sem dreift var á Alþingi á sjötta tímanum verða útflutningsviðskipti í krónum bönnuð. Frumvarpinu er ætlað að tryggja að markmiði um styrkingu gengis íslensku krónunnar verði betur náð.

Þingfundi hefur ítrekað verið frestað vegna málsins. Ráðgert er að hann hefjist klukkan 18:30.