MÁNUDAGUR 27. JÚNÍ NÝJAST 23:52

Fallúja komin úr höndum ISIS

FRÉTTIR

Allir sem ađhyllast grunnstefnu Pírata velkomnir í flokkinn

 
Innlent
18:24 03. FEBRÚAR 2016
Helgi Hrafn Gunnarsson, kafteinn Pírata.
Helgi Hrafn Gunnarsson, kafteinn Pírata. VÍSIR

Allir eru velkomnir í Pírataflokkinn, svo lengi sem þeir aðhyllast grunnstefnu flokksins. Þetta kom fram í svari Helga Hrafns Gunnarssonar, kafteins Pírata, við fyrirspurn Elínar Hirst, þingmanns Sjálfstæðisflokksins. Elín bað um orðið undir liðnum störf þingsins á Alþingi í dag þar sem hún sagðist vilja eiga orðastað við Birgittu Jónsdóttir, þingmann Pírata, en þar sem hún var veik þá beindi Elín orðum sínum til Helga Hrafns. Elín óskaði Pírötum til hamingju með það mikla fylgi flokkurinn hefur mælst með í skoðanakönnunum.

„Ég neita því ekki að ég vildi heldur sjá Sjálfstæðisflokkinn með 40 prósent í könnunum, en við skulum bíða og sjá hvað kemur upp úr kjörkössum á næsta ári,“ sagði Elín. Hún sagði tilefni þessara orðaskipta vera ummæli Birgittu Jónsdóttur sem hún birti á Facebook-síðu sinni nýlega þar sem hún sagðist ekki vilja frjálshyggjumenn í Pírata.

„Ég veit um frjálshyggjumenn sem geta vel hugsað sér að styðja Pírata í næstu kosningum, því velti ég fyrir mér hvaða skilaboð þetta eru til þeirra. Er sem sagt verið að afþakka stuðning þeirra? Mundu þeir líka vera útilokaðir úr flokksstarfinu? Hefði nóbelsverðlaunahafinn Milton Friedman, ef hann hefði verið Íslendingur, ekki verið velkominn í Pírataflokkinn,“ spurði Elín.

Hún sagðist vera þeirrar skoðunar að þetta væri sérkennileg pólitík því hún taldi Pírata vera breiðfylkingu fólks sem vildi breytingar, virkara lýðræði og gagnsæi og svo framvegis. En samkvæmt þessu eru bara sumir velkomnir að leggja gott til málanna en ekki allir,“ sagði Elín.

Helgi Hrafn sagði svarið vera afdráttarlaust „já“ þegar hann var spurður hvort frjálshyggjumenn væru velkomnir í Pírata. Flokkurinn leggi áherslu á gagnrýna hugsun og vel upplýstar ákvarðanir. Í því felst að Píratar móti stefnu sína í ljósi gagna og þekkingar sem er aflað óháð því hvort tillaga virðist í fyrstu æskileg eða ekki. Afstaða Pírata til hugmynda er óháð því hverjir fortalsmenn hennar eru. Sagði Helgi Hrafn alla velkomna í Pírata sem aðhyllast þessari grunnstefnu flokksins.

Elín spurði Helga Hrafn einni út í Evrópustefnu flokksins. Sagði Elín nýlega könnun Gallup sýna að meiri hluti kjósenda Pírata, 67 prósent, myndi sennilega eða örugglega greiða atkvæði með aðild Íslands að Evrópusambandinu ef gengið yrði til þjóðaratkvæðagreiðslu um málið.

Helgi Hrafn sagði afstöðu Pírata til Evrópusambandsins vera þá að ákvörðunin eigi að liggja hjá þjóðinni. Það sé ekki hlutverk stjórnmálamanna að taka ákvörðunin hvort málið farið fyrir þjóðina, þjóðin eigi að hafa valið. Hann sagði Pírata vera þeirrar skoðunar að þjóðin eigi að greiða atkvæði um hvort halda eigi áfram samningaviðræðum við Evrópusambandið og svo greiða atkvæði um fulla aðild að samningaviðræðum.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Allir sem ađhyllast grunnstefnu Pírata velkomnir í flokkinn
Fara efst