„Ice ice baby“ á Flórída

Berglind Björg Þorvaldsdóttir og Dagný Brynjarsdóttir skoruðu mörk háskólaliðs Florida State í 2-1 sigri á Maryland í gær.

Berglind kom heimakonum á bragðið með fallegu marki eftir að hafa leikið varnarmenn gestaliðsins grátt. Dagný kláraði var svo mætt inn á teiginn til að afgreiða snyrtilega fyrirgjöf frá hægri. Gestirnir minnkuðu muninn í lokin en máttu sætta sig við tap.

Florida State er enn ósigrað á tímabilinu. Liðið hefur unnið 21 leik og gert fimm jafntefli. Auk þess hefur liðið ekki tapað á heimavelli í 29 leikjum sem er met í NCAA deildinni.

Mörkin hjá Berglindi og Dagnýju má sjá í spilaranum hér að ofan. Þar er einnig rætt við leikmennina tvo sem eru í stórum hlutverkum hjá liði sínu.