„Ég veit að þetta hljómar eins og klisja en ég bjóst alls ekki við þessu“ Lilja Katrín Gunnarsdóttir skrifar 3. júlí 2014 09:30 Þessa mynd tók systir Kötlu, ljósmyndarinn Saga Sig, af Kötlu við útskriftarverkefnið. Mynd/Saga Sig „Það er fyrst og fremst heiður að hljóta þessi verðlaun. Ég veit að þetta hljómar eins og klisja en ég bjóst alls ekki við þessu,“ segir arkitektinn Katla Maríudóttir. Hún útskrifaðist nýlega úr meistaranámi frá KTH-arkitektaskólanum í Stokkhólmi í Svíþjóð og hlaut verðlaunin Offecct Prize 2014 fyrir lokaverkefni sitt, Jarðnæði. Verðlaunin eru veitt af sænska húsgagnafyrirtækinu Offecct. „Þetta eru verðlaun sem Offecct veitir besta útskriftarverkefninu, eins og þeir kalla það, í KTH á hverju ári. Dómnefnd fyrirtækisins tilnefnir fimm verkefni sem sýnd eru í galleríinu þeirra. Síðan halda þeir viðburð þar sem besta verkefnið er valið,“ segir Katla en hún hlaut tíu þúsund sænskar krónur í verðlaun, tæplega 170 þúsund krónur. Minnstu munaði að hún gæti ekki verið viðstödd viðburðinn þegar sigurvegarinn var kynntur. „Ég átti að vera farin heim kvöldið áður en viðburðurinn var haldinn. En ég frestaði fluginu og ákvað að vera viðstödd fyrst ég var tilnefnd. Það var skemmtilegt þar sem ég fékk síðan verðlaunin,“ segir Katla hlæjandi. Katla fékk einnig heiðursviðurkenningu dómnefndar KTH fyrir verkefnið sem fjallar um tengsl á milli heimilis og lifandi náttúrunnar. „Ég var í raun ekki að hanna hús heldur er þetta meira rannsóknarverkefni til að skilja aðeins betur þessi tengsl. Mig langaði að skilja hvaða áhrif það hefur að búa í lifandi landslagi. Hvaða áhrif hefur það til dæmis að þurfa að færa heimili sitt út af hraunflæði, öskugosi eða flóði og hvernig fólk setur heimili sín upp á nýjum stað,“ segir Katla en í umsögn dómnefndar Offecct stendur að Katla hafi sýnt þessi tengsl á fallegan og ljóðrænan hátt. Þá er því einnig fagnað hve óttalausa nálgun Katla hefur þegar hún fjallar um rými. „Ég einbeitti mér að því að gera sýningu í stað þess að fara hefðbundnu leiðina að prenta út plaköt og gera módel. Ég tyrfði til dæmis hluta af sýningarrýminu og dimmaði ljósin sem skapaði dulrænt andrúmsloft. Dómnefndin hefur greinilega fallið að einhverju leyti fyrir því,“ segir Katla. Hún segir verðlaunin opna einhverjar dyr fyrir sér, til dæmis verði verkefnið hennar sett upp á sýningu í Stokkhólmi næsta vor. „Offecct hefur einnig kynnt verkefnið þannig að ýmsir aðilar eru búnir að hafa samband við mig, meðal annars stærri tímarit sem vilja spyrjast fyrir um þetta,“ segir Katla en hún er flutt aftur til Íslands eftir tveggja ára meistaranám og stefnir á að finna sér vinnu hér. „Mig langar að vinna á Íslandi, að minnsta kosti til að byrja með. Hér er mitt heima. Ég hef ekki útilokað að flytja aftur út.“ Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið „Ef ég gæti hnoðað einn úr tíu bestu væri það himnaríki á jörð“ Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Ísrael skyndilega talið líklegt til að vinna Eurovision Lífið Bashar Murad endurgerir palestínskt lag föður síns Lífið Fleiri fréttir „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
„Það er fyrst og fremst heiður að hljóta þessi verðlaun. Ég veit að þetta hljómar eins og klisja en ég bjóst alls ekki við þessu,“ segir arkitektinn Katla Maríudóttir. Hún útskrifaðist nýlega úr meistaranámi frá KTH-arkitektaskólanum í Stokkhólmi í Svíþjóð og hlaut verðlaunin Offecct Prize 2014 fyrir lokaverkefni sitt, Jarðnæði. Verðlaunin eru veitt af sænska húsgagnafyrirtækinu Offecct. „Þetta eru verðlaun sem Offecct veitir besta útskriftarverkefninu, eins og þeir kalla það, í KTH á hverju ári. Dómnefnd fyrirtækisins tilnefnir fimm verkefni sem sýnd eru í galleríinu þeirra. Síðan halda þeir viðburð þar sem besta verkefnið er valið,“ segir Katla en hún hlaut tíu þúsund sænskar krónur í verðlaun, tæplega 170 þúsund krónur. Minnstu munaði að hún gæti ekki verið viðstödd viðburðinn þegar sigurvegarinn var kynntur. „Ég átti að vera farin heim kvöldið áður en viðburðurinn var haldinn. En ég frestaði fluginu og ákvað að vera viðstödd fyrst ég var tilnefnd. Það var skemmtilegt þar sem ég fékk síðan verðlaunin,“ segir Katla hlæjandi. Katla fékk einnig heiðursviðurkenningu dómnefndar KTH fyrir verkefnið sem fjallar um tengsl á milli heimilis og lifandi náttúrunnar. „Ég var í raun ekki að hanna hús heldur er þetta meira rannsóknarverkefni til að skilja aðeins betur þessi tengsl. Mig langaði að skilja hvaða áhrif það hefur að búa í lifandi landslagi. Hvaða áhrif hefur það til dæmis að þurfa að færa heimili sitt út af hraunflæði, öskugosi eða flóði og hvernig fólk setur heimili sín upp á nýjum stað,“ segir Katla en í umsögn dómnefndar Offecct stendur að Katla hafi sýnt þessi tengsl á fallegan og ljóðrænan hátt. Þá er því einnig fagnað hve óttalausa nálgun Katla hefur þegar hún fjallar um rými. „Ég einbeitti mér að því að gera sýningu í stað þess að fara hefðbundnu leiðina að prenta út plaköt og gera módel. Ég tyrfði til dæmis hluta af sýningarrýminu og dimmaði ljósin sem skapaði dulrænt andrúmsloft. Dómnefndin hefur greinilega fallið að einhverju leyti fyrir því,“ segir Katla. Hún segir verðlaunin opna einhverjar dyr fyrir sér, til dæmis verði verkefnið hennar sett upp á sýningu í Stokkhólmi næsta vor. „Offecct hefur einnig kynnt verkefnið þannig að ýmsir aðilar eru búnir að hafa samband við mig, meðal annars stærri tímarit sem vilja spyrjast fyrir um þetta,“ segir Katla en hún er flutt aftur til Íslands eftir tveggja ára meistaranám og stefnir á að finna sér vinnu hér. „Mig langar að vinna á Íslandi, að minnsta kosti til að byrja með. Hér er mitt heima. Ég hef ekki útilokað að flytja aftur út.“
Mest lesið Spáir Ísrael sigri í Eurovision Lífið „Bangsar eru í raun partur af fjölskyldunni“ Lífið Laufey tók lagið hjá Jimmy Fallon Tónlist „Mér finnst mikilvægt að ég segi frá minni hlið“ Lífið Í lagi að sætta sig við að vera barnlaus Lífið „Ef ég gæti hnoðað einn úr tíu bestu væri það himnaríki á jörð“ Lífið Byrjaði að hlaupa til að sýna fyrrverandi í tvo heimana Lífið „Það gekk ekki hvað henni leið illa“ Lífið Ísrael skyndilega talið líklegt til að vinna Eurovision Lífið Bashar Murad endurgerir palestínskt lag föður síns Lífið Fleiri fréttir „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira