Viðskipti innlent

Verðbólgan langmest á Íslandi

Jón Hákon Halldórsson skrifar
Það er dýrt að fara í búðir.
Það er dýrt að fara í búðir.
Tólf mánaða verðbólga er langhæst á Íslandi af öllum ríkjum í Evrópu, samkvæmt nýjum tölum Hagstofu Evrópu sem birtar voru í dag. Verðbólgan á Íslandi mældist 5,3% í síðasta mánuði.

Tólf mánaða verðbólga á evrusvæðinu mældist hins vegar 3,0%, samkvæmt tölum frá sömu stofnun. Fyrir ári síðan var tólf mánaða verðbólga á evrusvæðinu aftur á móti 1,9% og því hefur hún hækkað töluvert á einu ári. Verðbólgan í öllu Evrópusambandinu var hins vegar 3.4% í október.

Næstmest mælist verðbólgan í Bretlandi, en þar er hún 5%. Hún er 4,7% í Eistlandi, 4,3% í Lettlandi og 4,2% í Litháen.

Verðbólgan mælist svo einna minnst hjá frændum okkar, Svíum og Norðmönnum. Í Svíðþjóð mældist hún 1,1% í síðast mánuði, en 1,3% í Noregi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið