Upplifði fundinn með Davíð sem „keim af misnotkun“ Þorbjörn Þórðarson skrifar 18. apríl 2015 13:15 Hallgrímur Helgason og Emmsjé Gauti. 365/ÞÞ Hallgrímur Helgason rithöfundur og rapparinn Gauti Þeyr Másson, betur þekktur sem Emmsjé Gauti, voru gestir í nýjasta þætti hlaðvarpsins Hip Hop og Pólitík. Í þættinum var Hallgrímur spurður um fræga grein sína frá árinu 2002, Baugur og bláa höndin, en þar setti hann fram hvassa gagnrýni á Davíð Oddsson þáverandi forsætisráðherra og sakaði hann um að standa á bak við húsleit lögreglu hjá Baugi en þá stóð rannsókn Baugsmálsins yfir. Greinin þótti umdeild og fór hún mikið fyrir brjóstið á Davíð sem boðaði Hallgrím á sinn fund í kjölfarið. Fyrirbærið Bláa höndin varð strax vinsælt sem einhvers konar myndlíking fyrir valdið í samfélaginu (Sjálfstæðisflokkinn og Davíð) og birtist í skopmyndum og grínþáttum þess tíma. „Það gerðist í rauninni bara af því ég var kallaður á teppið og þá varð það ennþá frægara,“ sagði Hallgrímur í þættinum. Hvernig gerðist þetta nákvæmlega? „Þeir reyndu að hringja og ég var í einhverjum fasa á þessum tíma að svara aldrei í síma. Þá fekk ég tölvupóst þar sem ég var spurður hvort ég gæti komið niður í forsætisráðuneyti. Mig grunaði hvað væri að fara að gerast en forvitnin var svo mikil. Mig langaði svo að sjá skrifstofu forsætisráðherra.“Var þetta langur fundur? „Já, alveg einn og hálfur tími. Hann (Davíð) talaði og talaði. Ég speisaði aðeins út á tímabili eins og maður gerir þegar einhverjum er mikið niðri fyrir. Hann var ekkert hoppandi en þetta lág þungt á honum. Ég fattaði eftir á að þetta var svona starfsaðferð hjá honum. Fólk var kallað á teppið ef það var ekki til friðs og enginn þorði að segja frá því.“Heldurðu að hann hafi kallað þig á teppið af því hann bar virðingu fyrir þér sem listamanni og honum sárnaði að þú værir að bera þessar sakir á hann? „Já, ætli það ekki. Hann hafði gert sér einhverjar vonir af því ég hafði skrifað Höfund Íslands og hún tók hart á kommúnismanum. Hægrimenn tóku svolítið þá bók í fangið og gerðu að sinni. Sem var mjög skrýtin aðstaða.“Hvað hugsaðir þú, í hvaða leikriti er ég lentur? „Þetta var smá keimur af einhverri misnotkun. Þetta var hálf asnalegt eitthvað.“ Hallgrímur var líka spurður um það þegar hann bankaði í bílrúðu á bíl Geirs H. Haarde forsætisráðherra fyrir aftan stjórnarráðshúsið í Búsáhaldabyltingunni í janúar 2009. Hann sagði að þetta hefði verið nokkurs konar „andleg hreinsun“ og Geir hafi brugðið en kvaðst ekkert hafa hitt Geir eftir þetta. „Ég bankaði á rúðuna með flötum lófa og öskraði á hann að hann ætti að segja af sér. Fólk var orðið svo þreytt og þeir voru ekkert að hlusta. Þeir ætluðu að sitja áfram og voru búnir að setja Ísland á hausinn og fannst það bara allt í lagi,“ sagði Hallgrímur. Líða listamenn fyrir skoðanir sínar um stjórnmál? Nokkur umræða skapaðist um það í þættinum hvort listamenn líði fyrir skoðanir sínar um stjórnmál. Ýmsir meginstraums listamenn hafa komist upp með að birta sköpunarverk með mjög harðri ádeilu á stjórnmál eða ríkjandi öfl í samfélaginu. Bandaríski rapparinn Eminem gerði þetta til dæmis með laginu Mosh þar sem hann gagnrýndi Íraksstríðið og ríkisstjórn Bush yngri harðlega. Þetta kom ekkert niður á plötusölu. Hallgrímur sagðist skynja að pólitískar skoðanir hans hefðu haft neikvæð áhrif á einhverja lesendur. „Ég tek eftir því að 40 prósent þjóðarinnar kaupir ekki bækurnar. Ég kemst aldrei upp fyrir sjö þúsund eintök. Nema það gerðist einu sinni og þá fekk ég svona blessun frá Sjálfstæðisflokknum þegar Hannes Hólmsteinn skrifaði um Höfund Íslands að það væri frábær bók,“ sagði Hallgrímur. Umræða um þessi mál hefst á 39. mínútu í þættinum sem hægt er að spila hér ofar. Kjartan Atli og ÞorbjörnHip Hip og Pólitík er vikulegt hlaðvarp (e. podcast) sem birtist vikulega á Vísi. Hip hop og Pólitík mældist vinsælasta podcast á Íslandi á dögunum og hefur frá byrjun verið "New and noteworthy" hjá Apple iTunes undir Podcasts. Það er fáanlegt undir Podcasts í öllum snjalltækjum frá Apple. Tækni Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Fólk hafi samband við lögreglu í stað þess að deila sögum á netinu Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Talinn hafa nauðgað konu og tekið það upp Innlent Fleiri fréttir Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Talinn hafa nauðgað konu og tekið það upp Spáir viðvarandi skorti á raforku næstu fimm ár Sjá meira
Hallgrímur Helgason rithöfundur og rapparinn Gauti Þeyr Másson, betur þekktur sem Emmsjé Gauti, voru gestir í nýjasta þætti hlaðvarpsins Hip Hop og Pólitík. Í þættinum var Hallgrímur spurður um fræga grein sína frá árinu 2002, Baugur og bláa höndin, en þar setti hann fram hvassa gagnrýni á Davíð Oddsson þáverandi forsætisráðherra og sakaði hann um að standa á bak við húsleit lögreglu hjá Baugi en þá stóð rannsókn Baugsmálsins yfir. Greinin þótti umdeild og fór hún mikið fyrir brjóstið á Davíð sem boðaði Hallgrím á sinn fund í kjölfarið. Fyrirbærið Bláa höndin varð strax vinsælt sem einhvers konar myndlíking fyrir valdið í samfélaginu (Sjálfstæðisflokkinn og Davíð) og birtist í skopmyndum og grínþáttum þess tíma. „Það gerðist í rauninni bara af því ég var kallaður á teppið og þá varð það ennþá frægara,“ sagði Hallgrímur í þættinum. Hvernig gerðist þetta nákvæmlega? „Þeir reyndu að hringja og ég var í einhverjum fasa á þessum tíma að svara aldrei í síma. Þá fekk ég tölvupóst þar sem ég var spurður hvort ég gæti komið niður í forsætisráðuneyti. Mig grunaði hvað væri að fara að gerast en forvitnin var svo mikil. Mig langaði svo að sjá skrifstofu forsætisráðherra.“Var þetta langur fundur? „Já, alveg einn og hálfur tími. Hann (Davíð) talaði og talaði. Ég speisaði aðeins út á tímabili eins og maður gerir þegar einhverjum er mikið niðri fyrir. Hann var ekkert hoppandi en þetta lág þungt á honum. Ég fattaði eftir á að þetta var svona starfsaðferð hjá honum. Fólk var kallað á teppið ef það var ekki til friðs og enginn þorði að segja frá því.“Heldurðu að hann hafi kallað þig á teppið af því hann bar virðingu fyrir þér sem listamanni og honum sárnaði að þú værir að bera þessar sakir á hann? „Já, ætli það ekki. Hann hafði gert sér einhverjar vonir af því ég hafði skrifað Höfund Íslands og hún tók hart á kommúnismanum. Hægrimenn tóku svolítið þá bók í fangið og gerðu að sinni. Sem var mjög skrýtin aðstaða.“Hvað hugsaðir þú, í hvaða leikriti er ég lentur? „Þetta var smá keimur af einhverri misnotkun. Þetta var hálf asnalegt eitthvað.“ Hallgrímur var líka spurður um það þegar hann bankaði í bílrúðu á bíl Geirs H. Haarde forsætisráðherra fyrir aftan stjórnarráðshúsið í Búsáhaldabyltingunni í janúar 2009. Hann sagði að þetta hefði verið nokkurs konar „andleg hreinsun“ og Geir hafi brugðið en kvaðst ekkert hafa hitt Geir eftir þetta. „Ég bankaði á rúðuna með flötum lófa og öskraði á hann að hann ætti að segja af sér. Fólk var orðið svo þreytt og þeir voru ekkert að hlusta. Þeir ætluðu að sitja áfram og voru búnir að setja Ísland á hausinn og fannst það bara allt í lagi,“ sagði Hallgrímur. Líða listamenn fyrir skoðanir sínar um stjórnmál? Nokkur umræða skapaðist um það í þættinum hvort listamenn líði fyrir skoðanir sínar um stjórnmál. Ýmsir meginstraums listamenn hafa komist upp með að birta sköpunarverk með mjög harðri ádeilu á stjórnmál eða ríkjandi öfl í samfélaginu. Bandaríski rapparinn Eminem gerði þetta til dæmis með laginu Mosh þar sem hann gagnrýndi Íraksstríðið og ríkisstjórn Bush yngri harðlega. Þetta kom ekkert niður á plötusölu. Hallgrímur sagðist skynja að pólitískar skoðanir hans hefðu haft neikvæð áhrif á einhverja lesendur. „Ég tek eftir því að 40 prósent þjóðarinnar kaupir ekki bækurnar. Ég kemst aldrei upp fyrir sjö þúsund eintök. Nema það gerðist einu sinni og þá fekk ég svona blessun frá Sjálfstæðisflokknum þegar Hannes Hólmsteinn skrifaði um Höfund Íslands að það væri frábær bók,“ sagði Hallgrímur. Umræða um þessi mál hefst á 39. mínútu í þættinum sem hægt er að spila hér ofar. Kjartan Atli og ÞorbjörnHip Hip og Pólitík er vikulegt hlaðvarp (e. podcast) sem birtist vikulega á Vísi. Hip hop og Pólitík mældist vinsælasta podcast á Íslandi á dögunum og hefur frá byrjun verið "New and noteworthy" hjá Apple iTunes undir Podcasts. Það er fáanlegt undir Podcasts í öllum snjalltækjum frá Apple.
Tækni Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Fólk hafi samband við lögreglu í stað þess að deila sögum á netinu Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Talinn hafa nauðgað konu og tekið það upp Innlent Fleiri fréttir Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Talinn hafa nauðgað konu og tekið það upp Spáir viðvarandi skorti á raforku næstu fimm ár Sjá meira