LAUGARDAGUR 30. JÚLÍ NÝJAST 14:02

Brćđur handteknir í Belgíu vegna gruns um hryđjuverkaáform

FRÉTTIR

Umfangsmikil áfengisviđskipti á Facebook

 
Innlent
13:15 28. JANÚAR 2016
Umfangsmikil viđskipti međ áfengi fer fram í lokuđum hópi á Facebook.
Umfangsmikil viđskipti međ áfengi fer fram í lokuđum hópi á Facebook. GETTY
skrifar

Á Facebook kennir ýmissa grasa og er þar meðal annars að finna ákaflega virkan hóp þar sem höndlað er með áfengi. Hópurinn er lokaður en þar fara fram að því er virðist verulega umfangsmikil viðskipti.

Heimildarmaður Vísis, sem er meðlimur í hópnum og til þess að gera nýgenginn í hann, segir það hafa komið sér mest á óvart hversu virkt þetta samfélag er en meðlimir þar eru 2.866 talsins.

„Verð á ferðinni í kvöld, er með TUBORG, EGILS GULL, VÍKING GYLLTAN. Einnig SMIRNOFF, ÓPAL og TÓPAS Sími [XXXXXXX] (Nova) það er best að hringja“.

Heimildarmaður Vísis segir að nú langi sig til dæmis í bjór og fyrir fjórum mínútum var einn að pósta að hann væri á ferðinni með átta tegundir í skottinu.

Nokkuð líflegt er um að litast í hópnum, samkvæmt skjáskotum sem Vísir er með undir höndum. Þannig spyr einn: „Er einhver með landa?“ Og honum er svara að tiltekinn sölumaður sé komið aftur á ferðina og sá sé bestur. Með fylgir svo símanúmer.

Annar segist vera á ferðinni með „rútur í skottinu“ og enn einn segir: „Vantar bjór í kó. eikkur á ferðinni?“

Og einn spyr eftir vodka, einhver? Og setur við kr 7,000. Honum er svarað að það sé inni í myndinni, Reykja vodka 1l sem fer á 9 þúsund krónur, og bent á að slíkt fari á 8890 krónur í ríkinu. Ekki getur það talist mikil álagning miðað við útselt verð úr ÁTVR.

Vísir sendi spurningu á þann mann sem skráður er umsjónarmaður hópsins, þá hvort þetta framtak megi ekki teljast á gráu svæði gagnvart lögum, en þegar þetta er skrifað hefur enn ekki borist svar við þeirri spurningu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Umfangsmikil áfengisviđskipti á Facebook
Fara efst