Steingrímur: Mikil vonbrigði hvað viðræður hafa tafist Þorbjörn Þórðarson skrifar 4. september 2012 08:00 Steingrímur J. Sigfússon, atvinnuvegaráðherra og formaður Vinstri grænna, segir að tafir á aðildarviðræðum við Evrópusambandið séu fullkomlega á skjön við það sem ákveðið var eftir kosningarnar 2009. Hann segir það mikil vonbrigði hvað aðildarviðræðurnar hafa tafist mikið. Þetta er meðal þess sem fram kemur í viðtali við Steingrím í nýjasta þætti Klinksins, en í viðtalinu fer Steingrímur vítt yfir sviðið og svarar spurningum um valkosti Íslands í peningamálum, aðildarviðræðurnar við ESB, gjaldeyrishöftin og nýjar varúðarreglur Seðlabankans, stöðu Ögmundar Jónassonar innanríkisráðherra í ljósi nýlegs brots á jafnréttislögum og makríldeiluna við ESB og Noreg, svo eitthvað sé nefnt. Sú afstaða Steingríms að samþykkja að fara í aðildaviðræður, þótt aðild að Evrópusambandinu stríði gegn lífsskoðun hans, hefur orðið þess valdandi að hann hefur þurft að þola harða gagnrýni á kjörtímabilinu, bæði úr eigin röðum og frá stjórnarandstæðingum.Réttlætt með lýðræðisrökum þótt aðild stríði gegn lífsskoðun Steingrímur hefur alltaf sagt að sú ákvörðun að fara í aðildarviðræður við Evrópusambandið hafi verið réttlætanleg frá lýðræðislegum sjónarmiðum, að kanna þennan möguleika og afstöðu þjóðarinnar til hans. Að það sé réttur þjóðarinnar að kjósa um aðild að Evrópusambandinu. Alþingi samþykkti þingsályktun um að hefja aðildarviðræður við Evrópusambandið sumarið 2009 áður en vandamál á evrusvæðinu raungerðust af þeim krafti sem nú blasir við. „Það eru vonbrigði að þetta hafi ekki skilað ennþá neinum skýrari efnislegum niðurstöðum. Ég segi fyrir mitt leyti að ef landbúnaðar-, og sjávarútvegskaflarnir, tollakaflinn, auðlindamálin, þessir kaflar, hefðu verið opnaðir og við sæjum á spilin, þ.e hvernig Evrópusambandsríkin myndu bregðast við fyrir sitt leyti (…) þá værum við strax komin með þær upplýsingar og verið einhverju nær. Þannig að það eru vonbrigði og ekki það sem við óskuðum okkur. Við lögðum þvert á móti áherslu á að það yrði reynt að opna einhverja af þessum þungu köflum sem allra fyrst, samhliða öðrum léttari," segir Steingrímur í Klinkinu, en hann segist sérstaklega súr yfir þessu því hann hafi farið í sérstaka ferð til Brussel í janúar til að leggja áherslu á að ekki yrðu frekari tafir á að stórir samningskaflar yrðu opnaðir.Svarar ekki spurningu um hlé En telur Steingrímur það skynsamlegan kost í pólitísku tilliti að gera hlé á aðildarviðræðum við ESB núna, að minnsta kosti þangað til vandinn á evrusvæðinu leysist? Steingrímur kýs að svara þessari spurningu ekki efnislega, en hann segir: „Það eru margir möguleikar í stöðunni og þeir hafa verið ræddir. (…) Það er mikið í húfi fyrir okkur að Evrópu vegni vel. (…) Aðalatriði þessa máls er að menn byggi þetta á yfirveguðum röksemdum og ekki upphrópunum. (…) Það er líka mikilvægt fyrir landið, inn á við og út á við, að við höldum af ábyrgð á þessu máli. Líka þeirri stöðu sem við erum komin í núna. Hvert sem framtíðin leiðir okkur í þessu, þá sé það yfirvegað, það sé byggt á vandaðri umfjöllun og rökum og við komumst þannig að skynsamlegri niðurstöðu um hvernig við höldum á þessu máli áfram," segir Steingrímur. Hann segir að stefna VG hafi ekkert breyst. „Við teljum það ekki þjóna hagsmunum Íslands að gerast aðilar að Evrópusambandinu. Ég hef sagt það, alveg skýrt. Hafi eitthvað gerst þá hef ég frekar styrkst í þeirri afstöðu minni og sannfæringu." Sjá má nýjasta þáttinn af Klinkinu hér.thorbjorn@stod2.is Mest lesið Varar við viðskiptum við Öskju eftir miklar hrakfarir Innlent Banaslys við Fossá Innlent Ályktun um stjórnarslit á dagskrá hjá VG Innlent „Við getum ekki treyst Hagkaup í Skeifunni fyrir unglingunum“ Innlent Skyldur vinnuveitenda gífurlegar í erfiðum málum Innlent Móðir ákærð fyrir stórfellda líkamsárás Innlent Smíði Ölfusárbrúar í uppnámi vegna skilyrðis fyrir ríkisábyrgð Innlent „Þegar ég hugsa til baka þá fæ ég bara kökk í hálsinn“ Innlent Blöskrar framkoma sérsveitar og afskiptasemi nágranna Innlent Erlend glæpagengi fá Íslendinga til að ræna reiðhjólaverslanir Innlent Fleiri fréttir Varar við viðskiptum við Öskju eftir miklar hrakfarir Ályktun um stjórnarslit á dagskrá hjá VG Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Sjá meira
Steingrímur J. Sigfússon, atvinnuvegaráðherra og formaður Vinstri grænna, segir að tafir á aðildarviðræðum við Evrópusambandið séu fullkomlega á skjön við það sem ákveðið var eftir kosningarnar 2009. Hann segir það mikil vonbrigði hvað aðildarviðræðurnar hafa tafist mikið. Þetta er meðal þess sem fram kemur í viðtali við Steingrím í nýjasta þætti Klinksins, en í viðtalinu fer Steingrímur vítt yfir sviðið og svarar spurningum um valkosti Íslands í peningamálum, aðildarviðræðurnar við ESB, gjaldeyrishöftin og nýjar varúðarreglur Seðlabankans, stöðu Ögmundar Jónassonar innanríkisráðherra í ljósi nýlegs brots á jafnréttislögum og makríldeiluna við ESB og Noreg, svo eitthvað sé nefnt. Sú afstaða Steingríms að samþykkja að fara í aðildaviðræður, þótt aðild að Evrópusambandinu stríði gegn lífsskoðun hans, hefur orðið þess valdandi að hann hefur þurft að þola harða gagnrýni á kjörtímabilinu, bæði úr eigin röðum og frá stjórnarandstæðingum.Réttlætt með lýðræðisrökum þótt aðild stríði gegn lífsskoðun Steingrímur hefur alltaf sagt að sú ákvörðun að fara í aðildarviðræður við Evrópusambandið hafi verið réttlætanleg frá lýðræðislegum sjónarmiðum, að kanna þennan möguleika og afstöðu þjóðarinnar til hans. Að það sé réttur þjóðarinnar að kjósa um aðild að Evrópusambandinu. Alþingi samþykkti þingsályktun um að hefja aðildarviðræður við Evrópusambandið sumarið 2009 áður en vandamál á evrusvæðinu raungerðust af þeim krafti sem nú blasir við. „Það eru vonbrigði að þetta hafi ekki skilað ennþá neinum skýrari efnislegum niðurstöðum. Ég segi fyrir mitt leyti að ef landbúnaðar-, og sjávarútvegskaflarnir, tollakaflinn, auðlindamálin, þessir kaflar, hefðu verið opnaðir og við sæjum á spilin, þ.e hvernig Evrópusambandsríkin myndu bregðast við fyrir sitt leyti (…) þá værum við strax komin með þær upplýsingar og verið einhverju nær. Þannig að það eru vonbrigði og ekki það sem við óskuðum okkur. Við lögðum þvert á móti áherslu á að það yrði reynt að opna einhverja af þessum þungu köflum sem allra fyrst, samhliða öðrum léttari," segir Steingrímur í Klinkinu, en hann segist sérstaklega súr yfir þessu því hann hafi farið í sérstaka ferð til Brussel í janúar til að leggja áherslu á að ekki yrðu frekari tafir á að stórir samningskaflar yrðu opnaðir.Svarar ekki spurningu um hlé En telur Steingrímur það skynsamlegan kost í pólitísku tilliti að gera hlé á aðildarviðræðum við ESB núna, að minnsta kosti þangað til vandinn á evrusvæðinu leysist? Steingrímur kýs að svara þessari spurningu ekki efnislega, en hann segir: „Það eru margir möguleikar í stöðunni og þeir hafa verið ræddir. (…) Það er mikið í húfi fyrir okkur að Evrópu vegni vel. (…) Aðalatriði þessa máls er að menn byggi þetta á yfirveguðum röksemdum og ekki upphrópunum. (…) Það er líka mikilvægt fyrir landið, inn á við og út á við, að við höldum af ábyrgð á þessu máli. Líka þeirri stöðu sem við erum komin í núna. Hvert sem framtíðin leiðir okkur í þessu, þá sé það yfirvegað, það sé byggt á vandaðri umfjöllun og rökum og við komumst þannig að skynsamlegri niðurstöðu um hvernig við höldum á þessu máli áfram," segir Steingrímur. Hann segir að stefna VG hafi ekkert breyst. „Við teljum það ekki þjóna hagsmunum Íslands að gerast aðilar að Evrópusambandinu. Ég hef sagt það, alveg skýrt. Hafi eitthvað gerst þá hef ég frekar styrkst í þeirri afstöðu minni og sannfæringu." Sjá má nýjasta þáttinn af Klinkinu hér.thorbjorn@stod2.is
Mest lesið Varar við viðskiptum við Öskju eftir miklar hrakfarir Innlent Banaslys við Fossá Innlent Ályktun um stjórnarslit á dagskrá hjá VG Innlent „Við getum ekki treyst Hagkaup í Skeifunni fyrir unglingunum“ Innlent Skyldur vinnuveitenda gífurlegar í erfiðum málum Innlent Móðir ákærð fyrir stórfellda líkamsárás Innlent Smíði Ölfusárbrúar í uppnámi vegna skilyrðis fyrir ríkisábyrgð Innlent „Þegar ég hugsa til baka þá fæ ég bara kökk í hálsinn“ Innlent Blöskrar framkoma sérsveitar og afskiptasemi nágranna Innlent Erlend glæpagengi fá Íslendinga til að ræna reiðhjólaverslanir Innlent Fleiri fréttir Varar við viðskiptum við Öskju eftir miklar hrakfarir Ályktun um stjórnarslit á dagskrá hjá VG Skyldur vinnuveitenda gífurlegar í erfiðum málum Staðan miklu alvarlegri þegar vígvöllurinn er stærri Móðir ákærð fyrir stórfellda líkamsárás Smíði Ölfusárbrúar í uppnámi vegna skilyrðis fyrir ríkisábyrgð „Við getum ekki treyst Hagkaup í Skeifunni fyrir unglingunum“ „Þegar ég hugsa til baka þá fæ ég bara kökk í hálsinn“ Banaslys við Fossá Erlend glæpagengi fá Íslendinga til að ræna reiðhjólaverslanir Miðflokkurinn marktækt stærri en Sjálfstæðisflokkurinn Tíðindi í glænýrri könnun, innbrotafaraldur og biðin sem sligar fjölskyldur Fjögur í varðhaldi vegna innbrota í Elko Tveir í bílnum sem ók út af Nokkur vitni að banaslysi við Brúará Stefnt að hertara eftirliti á landamærunum í nóvember Inga skellihló að Sigurði Inga Útsvarsaukningin aðeins hugsuð til tveggja ára Skerða orku til stórnotenda Alvarlegt umferðarslys við Fossá á Skaga Segir fjármálaráðherra ekki kunna að reikna Blöskrar framkoma sérsveitar og afskiptasemi nágranna Tveir hafa játað sök í stóra fíkniefnamálinu sem fer ekki fet Verður formaður stjórnar Matvælasjóðs Faðirinn ekki lengur í einangrun Þurfi að komast út úr kjarasamningum „með góðu eða illu“ Landris og kvikusöfnun heldur áfram Sigurður Ingi segir skort á sálfræðingum vandamál Baldur greiddi fjórðung kostnaðar við framboð sitt sjálfur Maðurinn fannst látinn Sjá meira