MÁNUDAGUR 22. DESEMBER NÝJAST 08:15

Spćnsku stelpurnar reiđar eftir leik: Ţetta er skandall

SPORT

Segir varhugavert ađ hrófla viđ álfakirkju í Gálgahrauni

Innlent
10:24 19. APRÍL 2013
Erla Stefánsdóttir ásamt SÁÁ álfinum. Myndin er úr safni.
Erla Stefánsdóttir ásamt SÁÁ álfinum. Myndin er úr safni.
VG skrifar

„Svona verur eru varhugaverðar og það gæti orðið slys ef fólk fer að hrófla við þessu,“ segir píanókennarinn og sjáandinn Erla Stefánsdóttir um fyrirhugaðar framkvæmdir í Gálgahrauni í Garðabænum.

Í Fréttablaðinu í dag er rætt við Hraunvini sem hyggjast kæra fyrirhugaða lagningu nýs Álftanesvegar sem liggja á frá Engidal í Garðabæ, yfir Gálgahraun og að hringtorgi á móts við Bessastaði.

Þeir fengu Erlu til þess að skoða hraunið með tilliti til álfabyggðar. Erla segir í samtali við Vísi að þarna sé ekki álfabyggð, „það er engin búseta en þarna er samkomustaður,“ segir hún og útskýrir að þarna er Ófeigskirkja sem álfarnir sækja og þykir vænt um.

Árið 2006 fengu bæjaryfirvöld í Vogum við Vatnsleysisströnd Erlu til þess að sannfæra álfa um að flytja svo byggja mætti blokkir fyrir eldri borgara á svæðinu. Erla varð við þessu og hóf samningaviðræður við álfana sem að lokum fluttu að hennar sögn. Engar truflanir urðu á framkvæmdunum.

Aðspurð hvort hún hafi kannað afstöðu álfana við Gálgahraunið til staðarins, hvort þeir væru tilbúnir að færa samkomustaðinn, svarar Erla því til að hún hafi kannað afstöðu þeirra. „Þeim þykir vænt um þennan stað,“ bætir hún við.

Hún útilokar þó ekki að það sé hægt að semja við þá um að fara.

Sjálfri finnst Erlu hraunið fallegt og segir það synd ef framkvæmdirnar ganga eftir eins og fyrirhugað er, „mér finnst að það ætti að breyta þessu í útivistarparadís,“ segir hún.

Sögur um truflanir á framkvæmdum við álfabyggð eru þekktar. Erla segir að það gæti haft áhrif á framkvæmdirnar ef hróflað verður við staðnum án samráðs við álfana. „En svo gæti verið að þetta verði allt í lagi,“ bætir hún við.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Segir varhugavert ađ hrófla viđ álfakirkju í Gálgahrauni
Fara efst